惑眾|鴻爪|秤上評下

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

最棹忌記性好|謝頌昕網誌

2017-2-19 22:00
字體: A A A

話說上周某晚食飯,談到有問題的高官,我說食物及衛生局局長高永文都能打入五強。在席者頭頂現問號,說他不是經常回應傳媒嗎?但問題正出在此,只懂如「殯儀之星」般老是常出現,遇事必會老是常回應,但屢屢「講咗當做咗」,講完就算數,真正要做的實事卻寥寥可數,說好的自願醫保又大縮水,廣東俗語稱此類人為「見身郁唔見米白」。

好,背景講完,本文不是為了鞭高永文屍(你估我好得閒),而是想帶出:既得利益集團(包括商家佬)最棹忌哪些人?記性好的定必榜上有名。

親愛的權貴們在鎂光燈下,為求滿足最當前的質疑、圍攻、掌聲、扑咪、暗插政敵、話題性,甚至純熟貪一時口爽,說話要多動聽就有多動聽,反正24小時後又一條好漢。然而,耍得一時耍不得一世, 閣下貴人事忙以致前言不對後語或言行不一走數收場,不代表要全世界陪你失憶。

最新鮮滾熱辣的例子自然是林鄭月娥,阿姐你早排先插完薯片head發展局,丁屋僭建不了了之要入佢數,呢頭又同我講教育局唔係under你,教育政策失敗唔關你事?你失憶都唔好當我白痴吖!仲有班長盧偉聰,你唔記得對上啲一哥s講過乜,咪出少句聲囉,畀人造圖狂串又有乜為呢?

現今資訊爆炸,達官貴人經常要回應評論表態,但往往得個講字或自相矛盾「打倒昨日的我」,所以受眾亦要打醒十二分精神,記住他們的一言一行,否則一個不為意,又見到一個個過咗海嘅神仙。

(圖片來源:藥物辦公室)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年2月19日 下午10:00

發表評論

讀取中…
誠哥變相預告,習總三月中至會敲定邊個做特首?!