【獨遊臺灣圖輯】太魯閣——香港沒有的風景|乜乜冰室|Tamtam

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

如果有客喺車上嘔,你會……?|銀水|的士大哥

2017-3-11 08:58
字體: A A A

上次同大家講起,最近嘅天氣真係令人好易病,我仲好似畀人傳染咗添!雖然已經睇咗幾次醫生啦,但到今個星期都仲未病好。唉,不過又未至於好嚴重嘅,唯有照開工啦。

近排周不時都見到啲客戴口罩。前兩日就有一對母子,喺荃灣麗城花園上車去瑪嘉烈醫院。見佢哋去醫院,個小朋友仲全程挨住媽媽,又戴口罩,都知佢唔多舒服㗎啦。點知臨去到醫院,個小朋友仲嘔咗出嚟,搞到架車污濁晒……

個女人見到小朋友咁樣,梗係同我講晒Sorry啦……佢仲主動話畀返錢我洗車添。不過我都身同感受,知道病係好辛苦,所以就算啦,叫佢快啲帶個仔去睇醫生。

見到個小朋友唔舒服,又令我諗返起自己仲未病好……希望大人、小朋友都身體健康啦。

(圖片來源:Google Maps截圖、emojipedia)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年3月11日 上午8:58

發表評論

讀取中…
陳智思正式晉身特首預備班|王陸|關公拆局