【特首跑馬仔】曾營消息指曾收民建聯提名 曾俊華料有選委「最後一刻」改變決定

銀水 -的士大哥

-的士大哥

細個志願做機師,成日發夢發達之後唔使做,點知最後做咗個日踩十二粒鐘嘅的士司機。最鍾意就係吹水唔抹嘴,日日揸的士咁多「奇遇」,不如就喺度同大家分享揸的士嘅所見所聞。

就算有「優的」,都要個司機夠「優質」|銀水|的士大哥

2017-3-18 10:15
字體: A A A

最近同的士有關嘅話題,當然就係「優質的士」啦。政府終於打算發多600個的士牌,不過就係優質的士……聽講起錶30幾蚊,車上面仲要有Wi-Fi同手機叉電設備。有唔少市民都覺得我哋會好反對,但當然唔係個個行家都咁諗啦。

呢件事近排都有唔少行家會傾,其實我個人對優質的士就冇咩感覺。你估叫「優質的士」就一定係優質咩?就算設施好過我哋,個司機唔友善又有咩用?始終都係做好自己最緊要。

而且其實今次都只係加600架的士啫!同而家18,000個的士牌嚟比,都只係好細數目。平時18,000架的士,唔通真係全部都會喺街上行?我就見過北區有停車場,泊咗好多架的士喺度冇人揸,所以話呢600架「優的」真係會揸晒出街?我就覺得未必啦!

至於到時會唔會影響到我哋生意,暫時都真係好難講!不過近日個市又真係靜啲,街上少咗好多客,但係生意時好時壞都好正常,做好自己本份就冇咩好擔心。

(圖片來源:蘋果日報)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年3月18日 上午10:15

發表評論

讀取中…
親情何價|常月明網誌