文翠珊交代籌組政府意向 拉攏民主統一黨別無他選?|甘樂宜

創科局fb出文批Uber違法反遭圍插 方保僑:如果仲係舊思維,就唔使諗創新|皇甫清

2017-6-9 19:52
字體: A A A

創新及科技局今午在其官方fb撰文,點名批評Uber「有選擇但仍知法犯法」,結果被網民反斥「創科局成立咁耐,零貢獻」及「打壓創新科技」等。這是創科局三日內第二度出文批評Uber,連同局長楊偉雄周三到立法會接受口頭質詢,則是局方本周內第三次批Uber不守法。有資訊科技界人士質疑,Uber登陸香港三年來,為何仍未解決合法與否的問題,又認為,政府和Uber都有責任「坐低傾」。

香港資訊科技商會榮譽會長方保僑接受《852郵報》訪問時表示,Uber登陸香港3年以來,主理的運輸及房屋局一直以對方有案件在身,拒絕「坐低傾」,「事實上呢件事係可以傾吖嘛,點解大陸同新加坡做到,香港做唔到?係咪真係維護既得利益者?」他指當局要以創科發展第五條產業線,必然要有創新思維,「如果你仲係舊思維,就唔使諗創新」。

對於創科局的fb指,「Uber電召車被裁定違法,但UberEATS卻合法。可見Uber 是完全有選擇採取合法或違法方式推動共享經濟」,方保僑指,「跟正法律就梗係咁啦」,但Uber本身屬「破壞式科技(Disruptive Technologies)」,要把其納入正軌,就應「同佢傾」,而非「你犯法我就唔同你傾」。

(撰文:皇甫清)(圖片來源:Uber fb及蘋果日報)

請支持我們持續發展,透過PayPal或其他方法贊助我們!
金額:
分類:|發表於2017年6月9日 下午7:52

發表評論

讀取中…
科米出席參議院聽證會,大叫侵侵「你呃人!」