週末齊來推理俄羅斯雪山大屠殺案「檔案E: 搜救過程」|恐懼鳥網誌

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

賴床|謝頌昕網誌

2017-6-11 20:45
字體: A A A

我賴床問題好嚴重,放假時明明十點前已有知覺,但永唔會即刻起身洗臉刷牙。反之,例必先播唱片(冇錯,喺信和買嘅!),然後開Wifi用手提上網或打機,唱片播完一次仲未捨得落地,就再播一次,然後繼續同電話談情。要返工嘅日子亦好不了多少,老是拖延到距離遲到只餘30分鐘時,方急忙跳落床更衣走人。

所謂「夜晚唔願瞓,朝早唔願起身」,阿媽由細鬧到大,我自認衰仔,因為佢鬧得啱。沖涼過後上床,繼續播碟打機(賽車)或上網,有時會有實質作用,例如明天有何新聞要注意、有何網誌要發表,等等。不過瘋狂掃手機有時確實無甚實質、看得見嘅效果,眼攰同黑眼圈呢啲唔計。

咁餘下嘅問題就得返,點解要「夜晚唔願瞓,朝早唔願起身」咁玩手機?如果你有睇過《哈利波特》,或者會對鄧不利多其中一項法寶,儲思盆(Pensieve)有啲印象。即係當人嘅思緒太多時,就用魔杖提取部份記憶,放入儲思盆,以減輕大腦嘅壓力。

我冇儲思盆,當感覺個腦就快爆嘅時候,手機就成為「麻瓜界」嘅儲思盆,用嚟放低思緒也好,用嚟搵新事物刺激一下大腦也好,至少無須帶住一個實死死嘅腦袋入睡或起身。當然,同真人對話,連珠炮發式將要講嘅講嘢出嚟,效果會較對住電話較佳,但要睇對方有冇時間,同埋日日咁爆發,條聲帶第一個投降,都係偶一為之比較好。

人越大,越多嘢想做,越多嘢想講,有時確係會唔知點處理。請畀我攤喺床,攤多陣,諗多陣,慢慢來。

寫在29-1前後

(圖片來源:《櫻桃小丸子》截圖)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年6月11日 下午8:45

發表評論

讀取中…
從溫哥華看香港|林超英網誌