你愛我是龍蝦吧?|陳頌紅網誌

鍾劍華

-發牙痕

從事大學教育及研究工作。主要業務範圍社會政策教研之外,好作塘邊鶴。無意撩是鬥非,難免招風惹雨。難免有偏見,偶然有心得。交流分享,思想激盪,賞心樂事。

學術小爬蟲好快會變成主流|鍾劍華網誌

2017-6-23 13:38
字體: A A A

唔怕核凸,飛撲出嚟吸引眼球、博出位,永遠都是政治小爬蟲的成龍捷徑。

得罪講句,呢類咁嘅所謂學者,喺大陸同香港,可以講周街都係。

唔好唔信,真係可以上位㗎。

仲記唔記得,港大教育學院有個自稱影響力比陳文敏教授大二百倍的李龜?

唔係依據共產黨的需要講基本法,清華大學嗰一位王振民,有幾多人識佢?今日貴為中聯辦法律部長啦!今日仲要教訓香港人要「敬畏」共產黨呀!幾威威!

仲有嗰個饒戈平,佢講嗰啲嘢有邊句係「法律語言」?其實句句都係「政治語言」。但係都可以叫做「法律權威」喎!「基本法專家學者」喎!小嘢呀?我哋位候任新特首仲要讚佢「十分權威」,當年人大831決定都仲未出台,已經話佢「一錘定音」喎。所以真係抵呀林鄭月娥升官發財,被北京欽點做特首。佢兩個就真係真人 show,表演俾香港人睇,乜嘢叫做「相濡以沫」啦!互相吹捧,齊齊上位,幾好呀!

其他例如我哋香港嗰位劉教授、或者今日仲坐喺中央政策組個位王教授,就更加不在話下啦。其他圍住佢哋,討他們的餘涶及剩菜殘羹來自肥及博上位的就更加一街都係啦。佢哋駛乜香港人或者譚大狀恭維,最緊要係老細睇得起!

正所謂:
學者變打手,唔怕你哋噁。
一朝上到位,中港兩邊走。

幾風光!

頭先我至講完,依家啲大學玩法唔同咗啦,有啲所謂「學者」,真係好得人驚㗎,仲肯定好有前途㖭。所以今日可能仲係譚大狀所指嘅「不知名學者」,但係如果博到,可能好快就會被封為另一個「權威」或者「專家」㗎啦。奉勸各位,莫欺少年窮。

都話咗,強國新的「大學之道」,係「大學之道,在明明屈,在凶人,在勇於鬥賤。」

(圖片來源:)
所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年6月23日 下午1:38

發表評論

讀取中…
《明報》:全體警員下周四至六被取消休假 「習近平撐黃傘」為新列敏感事項