宋代其實只是先天不足國運不佳|David Tang網誌

鍾劍華

-發牙痕

從事大學教育及研究工作。主要業務範圍社會政策教研之外,好作塘邊鶴。無意撩是鬥非,難免招風惹雨。難免有偏見,偶然有心得。交流分享,思想激盪,賞心樂事。

對於「洗腦」的六個疑問|鍾劍華網誌

2017-6-24 21:13
字體: A A A

對於「洗腦」呢味嘢,有啲唔係幾明:

問題(一):
呢個人(張浚生)比共產黨洗咗幾十年腦;
自己以共產黨高官嘅身份又洗咗人民幾十年腦;
依家,佢竟然指責一個香港嘅書生「被人家(應該指殖民地政府啩)洗了腦,跟住就去洗人家的腦。」
如此說,戴耀廷豈非和他是同一類人?他是要指責自己嗎?

問題(二):
回歸20年,中共及特區政府日日發動宣傳機器洗香港人腦喎!
學校日日升國旗唱國歌喎!
電台電視日日播片播音喎!
仲有好多嘍囉、高官、民建聯、經民聯、愛字頭、鄉紳、俊傑、梁愛詩、董建華……之流,一齊唱和聲喎!
咁疊馬,點解會頂唔順戴耀廷一個人?(或者少數無乜資源嘅反對派)

問題(三):
係唔係話以前英國人啲洗腦效果好勁?

問題(四):
係唔係話中共政權及特區政府啲洗腦工作十分差勁?

問題(五):
依家最唔認同自己係「中國人」的係「年輕世代」,只得3.1%。佢哋大部份都係特區成立後才成長的新世代。
點解中共政權越係要洗佢哋個腦,佢哋就越唔 like 中共及特區政府?

問題(六):
點解張浚生及一眾嘍囉個腦容易畀中共洗?
點解中共用盡飲奶力去洗香港人個腦都冇用?
唔通香港人個腦係特別構造,只係畀英國人洗,只畀戴耀廷洗,唔畀中共及其嘍囉洗?

結論:
a.張浚生自己做咗奴才幾十年,十分唔潤香港人,特別係啲後生仔不願意仿傚佢做中共的奴才。
b.要全面為香港人,特別後生仔換腦,好似換身分證一樣。
c.或者係:
戴耀廷之流有特異功能。
d.又或者:
中共政權對香港人的洗腦工程十分失敗。張浚生之流及上述一眾人等,全部要寫檢討及悔過書,甚至要入秦城面壁思過。
e.any combination of the above

(圖片來源:香港電台新聞片段截圖)(題為本報所擬)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年6月24日 下午9:13

發表評論

讀取中…
【閨密干政】朴槿惠捲干政醜聞落馬 首爾18位「朴槿惠」今年申改名|樂思施