被列入李明博政府黑名單:叫人欣賞尊重的演員權海孝|鍾樂偉網誌

謝頌昕

-呃你十年

人,最易寫,又最難寫。即管寫寫看,說中了,就俾個LIKE;說不中,就當我呃你十年吧!

別人的歌|謝頌昕網誌

2017-9-17 21:08
字體: A A A

唔好誤會,我唔係講緊Raidas嗰首。

無論返工坐車行街飲咖啡溫書定做嘢,身邊總會有人插住耳仔喺度聽歌,問題係,知唔知佢哋聽緊乜?

當然啦,播到紅館咁大聲迫你聽嗰啲(校長大球場演唱會都冇咁大聲,好似係),就梗係知佢哋聽緊乜啦,但其他正常音量嘅,又可以點得知?

如果係睇書睇片,望吓個封面,或者望耐啲個芒,都知係偵探懸疑鬼故愛情搞笑定綜藝,但聽歌除非牛咁眼逐首係咁望,否則都難知究竟,亦因此有趣地,聽歌就變成大家都做緊,但又唔係好知做緊乜嘅一種行為,甚至乎比衣著言行更私人。

英語有云:You are what you…… 食又得閱讀又得穿衣又得言談又得,甚至乎係捧球隊都得,因為你做乜嘢都係塑造緊你個人,咁聽歌都一樣,聽咩歌反映你係咩人,可能有斯文OL,原來鍾意Death Metal,有uncle好Hip-hop,大隻佬情迷韓國長腿女團……

了解一個人,可以觀其言行衣著動靜讀物食物,音樂其實都不失為一個好選擇。交換大家個music player,一首首咁聽,唔准飛歌,用音樂去了解對方嘅思潮起伏,都幾好玩。

有冇人有興趣交換音樂?

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年9月17日 下午9:08

發表評論

讀取中…
政權無道、學院無言、文人無行|鍾劍華網誌