即時關注│啟晴邨離奇命案再爆三輪槍聲

阿健網誌│大陸公僕「玩嘢」?手機鏡頭搞掂!

2014-6-1 12:00
字體: A A A

嘩!今個星期澳門政府單新聞真係睇到我O晒嘴,啲高官退休都可繼續收七成人工,係咪澳門政府錢多到要咁洗呀!特首仲可以免刑責?我哋香港高官都問責制啦,你通過咗,我真係驚香港有樣學樣呀。(雖然宜家暫緩…)

大家記得我上次深圳朋友架車被貼警告嗎?嗰日佢叫過我得閒就去申請個中港駕駛執照,有機會一齊自駕遊。喺網上睇過晒啲流程之後,早幾日就約咗佢一齊去辦理嘞。記得嗰日早上10點已經到達文錦渡車管所,已經見到有十幾個香港人喺度辦緊證件,於是我喺枱上攞咗三張不同嘅申請表,填寫好後就去問一個女職員。

大姐,是不是先去照相呀?
女職員:看一看……有沒有住址證明?
我沒有深圳住址證明,香港的可以嗎?
女職員:沒有不能辦!你去派出所做證件吧。

我朋友就問佢係咪派出所發的,如果係就宜家去辦。問明要咩證明,身份證、相片一張,還有房產證明。去到派出所已11點,原來剛剛放食飯,問問門口個職員,食飯時間係11至2點,當堂嚇一跳,食飯3個鐘?我以為自己去咗法國添呀。好不容易等咗3個鐘,交妥文件,3分鐘搞掂。之後返回車管所,問明個大姐,佢叫我先到旁邊照相館照相,再到醫院驗身,費用都係30蚊,唔貴。以為搞掂啦,先知係惡夢嘅開始……

我交齊6份文件比大姐,佢喺電腦前睇咗半日講,驗身報告冇整到過嚟,叫我自己去揾部連咗線嘅電腦發證明過嚟。我哪裡有電腦呀?有都唔識用啦。佢叫我自己想辦法。諗起照相館有電腦,可以搞掂。

再次返到車管所,剛剛那懶洋洋大姐手指指叫我去另一櫃枱,另一大姐就叫我打醫院電話證明我有做體檢。我一睇就知係永遠冇人聽嘅電話,無明火起!就同佢嘈起來,佢推說我文件唔齊,叫我等,話有時間咪聽日嚟過。我朋友就同佢理論,我哋文件齊,點解要聽日嚟過?大姐仲話等唔到可去西麗那邊辦,開幾十公里之嘛。其他職員仲喺度偷笑添。

我倆都發火了,就喺背囊攞出一件超級武器iphone,打開攝錄功能,對住佢數她的不是,問佢為何早上10點到現在下午4點都辦不到,仲要叫我去幾十公里外去辦,真係離譜呀。剛才偷笑嘅職員都即刻低頭扮工作,那大姐知道自己理虧,快快手幫我辦理,不出5分鐘,叫我去交錢,下星期攞證,搞掂。

公務員係嚟幫助市民,唔係嚟刁難人的。大姐,希望你明白。回港後,想睇番錄影片段時,先發覺原來剛才冇噤到錄影掣,真搞笑!

(網絡圖片)

請支持我們持續發展,透過PayPal或其他方法贊助我們!
金額:
分類:|發表於2014年6月1日 下午12:00

發表評論

讀取中…
陳玨明網誌│愛恨香港100個理由23──熱烈歡迎香港C眼