梁愛詩稱立會可為《國歌法》設追溯期 張達明:無做律政司是否忘記基本原則

葉一知

-一知筆

中文、英文、通識教師,閒時寫作

好幾年前我已話好憎光棍節|葉一知網誌

2017-11-12 21:00
字體: A A A

好幾年前我已話好憎光棍節,第一,呢個名簡直係有辱斯文,毫無文化兼核突;第二,我唔明光棍有咩好慶祝,要搞個節來紀念;第三,我更加唔明光棍的慶祝方法點解係上網瘋狂購物。得雷鼎鳴指點,我今日更加唔明,身為光棍的最佳慶祝方法點解唔係用支付寶叫雞而係去網購?

每個節日即使被消費文化侵蝕,但個節日都保持其傳統意義,美國感恩節有促銷,但感恩節的意義與促銷並存。你搞網購要將七夕起死回生變情人節谷消費,呢點我都仲可以理解,至少七夕個傳說真係同愛情有關,但係光棍節除咗叫你消費,有乜嘢意義?做光棍要感恩呀?紀念歷史上嘅光棍偉人呀?傳承光棍嘅傳統文化呀?乜內函都冇,剩係叫你購物。喺一個地球最受消費主義危害嘅年代,設一個節日為達自己營利目的,加劇製造地球不能承載的垃圾,真係好陰騭。

最可憐係,我六七年前初教通識已經講過大陸光棍節呢個例子,當時香港冇乜人會講,莫講跟風,但六七年後,光棍節不但冇消失,濁水仲淹沒香港,呢兩日出去旺角等消費旺區,間間都借1111來玩折扣促銷,真係好可悲!

求其搵四個1就話係光棍節,咁你不如再搞多啲節日谷消費啦,1010唔係雙十節,係「交合節」,101係「醋男節」,3月3日33係「小三節」………

(圖片來源:網上圖片)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2017年11月12日 下午9:00

發表評論

讀取中…
【有片】唔捨得買iPhone X點算? 用iPhone 4啦|樂思施