Cody網誌│紙教堂,不單是一個景點

阿健

-的士佬手記

我叫阿健,的士佬一名,食塵多過你食米,揸車多個你行路。揸一轉的士,甜酸苦辣喜怒哀樂通通見齊。得閒嘅,咪上嚟聽吓我吹水囉。

阿健網誌│初出茅廬,遇着的士版的《海闊天空》

2014-1-5 11:30
字體: A A A

話說初初轉行,抱住戰戰兢兢嘅心情,都唔知自己應唔應付得來,但係為咗生活,都要硬着頭皮架啦。

話晒初出茅廬,真係好多地方都未去過,仲試過畀人話我東南西北都唔識分,就唔好學人揸的士啦。不過有次就好無辜咁畀人鬧……

事緣有個客上車後,都幾好傾,傾咗陣之後聽到我播梗首《海闊天空》,佢好鍾意,仲話Beyond係佢偶像,叫我開大聲啲。心諗遇到知音人,係呀,有時聽下歌,都幾爽架,加上我平時都鍾意唱吓K。

正當我陶醉於「原諒我這一生不羈放縱愛自由,也會怕有一天會跌倒,Oh…No…」之際,突然後面傳來幾句粗口。初初都唔知咩事,原來佢話我開得太大聲,阻住佢講電話!大佬呀!又係你叫我開大聲啲,我點鬼知你幾時講電話啫,同埋駛唔駛嚴重到問候我娘親呀!愈諗愈谷氣,真係想變身港版藤原拓海,一個飄移,一個handbrake,打開道門篩佢出去!咁當然我冇咁做,仲同佢講咗聲唔好意思添。唔係可以點啫,你地話係唔係?! (阿健)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2014年1月5日 上午11:30

發表評論

讀取中…
Dr. Y網誌│「制水」醫學害人不淺