練乙錚:兼容並蓄 海闊天空|特約轉載

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

寫在立春|生活旅客博客

2018-2-10 21:00
字體: A A A

民國107年2月4號,係我喺臺灣過嘅第一個立春,亦係南部少有嘅「長寒冷」立春。

由2月3號開始,臺灣已經開始受寒流影響,北部山上都開始落雪,連平時基本冇冬天嘅南部都開始覺得凍,氣溫跌到得12至13度,喺南部嚟講算係好凍。但因為日頭都有出太陽,仍然未覺得真係好凍,尤其諗起已經出埋寒冷天氣同霜凍警告嘅香港,呢度起碼高5至6度,心理上都唔會覺得太凍。

到咗今朝天陰,係這邊少有冇太陽嘅天氣,頓時覺得「天寒地凍」。 我冇食早餐嘅習慣,但今朝都走去鄰居黃媽媽屋企「求食」,因為食飽咗就唔會覺得凍。

食完早餐冇耐又食晏,食完晏冇耐又食晚飯 ~ 「寒冷」嘅立春日就喺「食食食」之中渡過 ~ 非常感謝黃媽媽,未夠5點半,已經食足立春日早午晚嘅美味三餐了。

下晝4點幾,接近黃昏,終於出太陽,似乎「寒冷」嘅天氣會開始消散。但到咗夜晚,氣溫再跌破10度,喺這邊嚟講真算得上係「凍鑊甘」了。

到夜晚11點幾,忽然睇到臺中朋友喺FB話地震,震得好犀利。再睇即時新聞,知道係花蓮嗰邊有強地震。

岡山這邊托賴冇事,希望其他地方嘅朋友都平安吧。

記得兩年前差唔多時候,即2016年嘅2月6號,臺灣都係喺農曆年嘅除夕前一晚(這邊稱為小年夜)發生6.4級嘅美濃地震,而且震得好緊要。當時啲人話迷信嚟講係表示個地方有大事發生,唔安定等等……

其實臺灣同日本一樣,經常都會地震,尤其係東部山區。今次立春日嘅花蓮地震,唔知又會有啲咩神棍出嚟穿鑿附會了。

無論如何,立春都係一個新嘅開始,凍唔凍、震唔震都好,都要振作精神「動起來」,迎接新嘅一年,新嘅挑戰。大家要加油 ~ 為自己,亦為自己居住嘅地方努力。

願天佑臺灣,天佑香港。

2018. 2. 4

立春日嘅午餐。鄰居黃媽媽煮嘅豬扒極好味,鬆軟可口。

臺灣民居嘅住家飯都好簡單。立春日嘅晚餐算特別多餸了。

立春日嘅黃昏,終於出太陽。有番春天嘅氣色。

後記 ~

這兩日花蓮持續都有地震,噚晚更發生6級強震,同兩年前同一個日期嘅深夜寒流中發生嘅美濃地震同樣造成大樓倒塌,頓時令到「人心惶惶」。

今朝就收到嚟自各方好友嘅問候訊息。

岡山這邊好似話都有震,但我就感覺唔到。 不過天氣就忽然又凍咗好多。這邊啲人話天冷都會容易地震的,我唔知兩者係咪真係有咩關係,但諗落又好似係。真係「凍到地震」。

無論如何,天氣雖然好凍,各方朋友嘅關心卻非常溫暖。

多謝各位。祝福臺灣,願大家都平安。

2018. 2. 7

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年2月10日 下午9:00

發表評論

讀取中…
金正恩個妹究竟有幾「啃」?貼士係文在寅個樣好「冧」!