【DQ補選】林鄭張建宗未呼籲投票疑作「冷處理」 董建華出聲支持「建設性」人選

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

遊戲人生|生活旅客博客

2018-3-10 21:00
字體: A A A

有人話人生好似一場遊戲。

今期這篇blog並唔係想要探討這個咁哲學性嘅題目,而係因為上次去臺中時真係見到間名符其實嘅「遊戲店」。

這間位於臺中旺區逢甲一隅僻靜路段嘅舖頭由一位後生仔經營,係真正賣各種「非電子類」 遊戲套裝嘅舖頭 ~ 即係好似大富翁、飛行棋、波子棋,積木啊這類遊戲,對象係小朋友。

舖頭大約有400幾呎,賣同租嘅各類遊戲有近200種,都係由店主搜集世界各地唔同嘅遊戲,可買可租。

買嘅遊戲大約由600蚊新臺幣起價,而租嘅,就60蚊新臺幣可以租一星期,要放低按金600蚊新臺幣。如果租嘅遊戲有損壞,按金就要沒收。小朋友亦可以選擇喺舖頭度玩遊戲,按小時收費。

發現這間遊戲店,係因為朋友嘅囝囝睇到這間新開嘅店想去幫襯,所以朋友上次同我食完晏就帶佢去,令我見識到這間特別嘅小店。

當日去到係星期六下晝,舖頭入面冇小朋友喺度玩。朋友同囝囝花咗大半個鐘挑選想租嘅遊戲,同聽店主介紹玩法及租賃條款,中間都冇其他顧客。

最後,朋友擺低600蚊新臺幣按金租咗一副遊戲俾佢囝囝,租期一個星期,如果冇損壞就只需要俾60蚊新臺幣租金。

我一直喺旁邊睇,只係諗到咁樣嘅舖頭喺香港係完全冇可能生存。離開舖頭後,朋友同我講間舖嘅租金可能每個月都要萬幾兩萬蚊新臺幣,所以即使喺臺灣,咁樣嘅舖頭亦好難生存。嗰位後生仔可能唔使養屋企,可以做吓自己喜歡做嘅事,圓吓夢……

但喺現實中,遊戲人生就唔係咁容易了。

近日香港某女士叫後生仔「捱吓先啦」, 即被網民狂插。平心而論這句說話係冇錯 ~ 畢竟人生唔係真係玩遊戲,而我哋自己都係「捱出嚟」的。

問題只係咁嘅說話出自一班「何不食肉糜」嘅「堅離地」之口就變得特別哽耳, 更令人有幸災樂禍兼涼薄嘅感覺。

講到尾,係人嘅問題。

因為即使只係遊戲,亦唔係人人可以玩得好的。

2018. 3. 7

臺中旺區逢甲嘅一隅僻靜街道上的遊戲店。

店中遊戲可租可買,都係「非電子類」嘅遊戲套裝,有超過200幾款,係店主從世界各地搜集的。

有400幾呎空間嘅舖內亦有檯櫈,可以俾小朋友喺舖頭內玩遊戲,但當日去到卻冇人,只有朋友同佢囝囝在幫襯。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年3月10日 下午9:00

發表評論

讀取中…
「檢討」丁屋政策字眼變「監察」 發展局否認立場有變