林鄭「理財新哲學」,「新」在哪裡?|Aberdeen網誌

全民教育局HKEd4All

-教育路

教育是以民為本,我們一群有心的老師創立「全民教育局」,以專業論教育,全民參與,集思廣益,為制定教育政策出一分力。

真國教:二十年|全民教育局HKEd4All

2018-3-25 16:00
字體: A A A

(前言:中國政府在大數據和AI領域傾舉國之力投入資源,目前已經初步建成舉世無雙的天網監測系統。個人在大陸產通訊軟件的發言會被實時監測、走在路上會被攝像頭面容辨識、甚至智能汽車在群體事件發生時會被廠房雲端鎖定。國家的權力不斷進擊,人民的自由日益萎縮。無險可守的香港,在20年後又會如何?)

而家係2038年,Jayden 年近四十,無結婚無仔女,打份政府工都叫比上不足比下有餘。論資排輩,今年升職輪都輪到自己,點知隔籬位阿Sam屋企有關係,一個唔該就爬咗自己頭。

「有咩辦法啫,鬼叫自己公屋仔無人無物咩。」Jayden一個人落bar隊左幾杯威士忌,大聲鬧咗幾句後call咗架的士返屋企一覺瞓天光。

第日朝早,Jayden個頭勁赤,望住電話新收到嘅SMS:「香港市警察嚴正警告……」,爆咗句粗之後:「又嚟詐騙短信?今個禮拜第幾次呀……」,就刪咗條SMS。

跟住,Jayden發覺自己已經唔再喺WeChat同學Group,搵咗幾個Admin,無人應佢。Jayden左諗右諗,點都記唔起自己邊度得罪過啲同學。

算,返工先,Jayden落去停車場攞車。

新買嘅比亞迪陸地戰車無反應,中央熒幕閃爍住血紅色嘅大字:「根據有關政策和規定,用戶李梓軒駕駛資格已被吊銷……」

Jayden 心知不妙,即刻打去比亞迪客戶服務問發生咩事,但係收到嘅回應係:

「抱歉先生,我們也查不到具體事宜。」

「對,不是誤操作。」

「先生您幹了什麼可能您心裡會比較有分寸。」

「如果您想起訴那麼我們也沒有辦法。」

Jayden仲係唔知發生咩事,但都要返工架。無奈之下,佢行去屋企隔離嘅共享單車泊位搵咗架黃色嘅單車,諗住用支付寶共享服務解鎖…

「失信用戶需先支付押金共3,000元才可開始騎行。」

「吓?!唔係嘛?」

Jayden開始覺得大事不妙。

「失信用戶?失咩信?個個月8萬按揭全部按時還曬架,邊可能失信?」

佢開始恐慌,一定有野搞錯咗,肯定。

搭咗地鐵返工先,有咩留返放工諗。康城地鐵站排隊等候安檢嘅人龍,居然令Jayden覺得有啲安心。

當Jayden靈光一閃,終於諗起自己尋晚係酒吧講過咩野之後,佢望到人龍旁邊幾米高嘅「犯罪份子曝光熒幕」,佢個樣同罪名清晰無比。

「李梓軒:侮辱國家主席罪,在逃。」

Jayden瞬間唔識反應。

安檢員透過特製眼鏡掃視人群,視線喺Jayden度停低咗。

「李梓軒?」

「……我係。」

「過來這邊。」

「我……我還要上班……」

「廢話什麼,你過來等著,一會兒警察來和你說話。」

「唔係呀唔係呀,我點解,我……」

「少廢話你擋著後邊的了,過來!」

無幾耐,一個圓臉小警察同埋一個長方面口嘅老警察慢慢行咗過黎。

「你嬲呀?」老警察問

「沒有沒有。」Jayden連連否認

「沒生氣你亂說什麼?沒生氣你就敢大放厥詞了?你以為你一個人在酒吧說話就沒人知道?你以為你喝完幾杯酒就能違法亂紀了?」小警察連珠炮發。

「我真沒……哎呀求下你呀阿Sir,我仲有屋企人架。」

「收聲!行啦!尋晚係威係勢,而家成隻鵪鶉咁,行啦!」老警察不屑一顧。

三個月後。

Jayden同政府同事關係其實都唔錯,不過無咗佢,日子一樣咁過。

「Jayden佢而家點呢……」

「哇,乜仲未del佢?芝麻信用扣三十分架,按揭利息你想比多幾千呀?」

「係係係,即del!」

Jayden 而家喺邊?做緊咩?無人知,亦都無人想知。大灣區創文明三擁模範城市市民唔需要知咁多無謂野。

歡迎來到未來。

(完)

(撰文:鹹錦鯉,全民教育局 HKEd4All 特約文章)(圖片來源: 《十年》 官方預告片 Ten Years Offical Trailer)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年3月25日 下午4:00

發表評論

讀取中…
要否交稅單作證懸而未決 張建宗搬派6000元作例涉混淆視聽|皇甫清