勇哉!戴耀廷先生|梁慕嫻網誌

鍾劍華

-發牙痕

從事大學教育及研究工作。主要業務範圍社會政策教研之外,好作塘邊鶴。無意撩是鬥非,難免招風惹雨。難免有偏見,偶然有心得。交流分享,思想激盪,賞心樂事。

長做長有、無需問責的「先知」|鍾劍華網誌

2018-4-9 22:40
字體: A A A

原來兩年前今日,問米佳報過一個咁嘅夢。
睇返今日情況,即係唔準啦!
今時今日,佢又報另一個完全不同的夢喎!
冇屈佢㗎,有圖為證㗎!

話晒都係強國駐港第1號術士,A級先知喎!
點解當時會講團結,今日又變咗講鬥爭嘅?
咁大偏差?
令人失望喎!駛唔駛問責先?

問責?儍啦!
知唔知依家係乜嘢世代?
知唔知依家邊個打骰?
凡夫俗子,一般蟻民,你哋識條鐵咩?
呢D叫「訴諸天意與巫統的政治評論」。
直頭係承先啟後,繼往開來,充滿中國特色!
喺「新時期中國特色神權主義社會」,有市場㗎。

未有事時就講盡啲、講大啲!
真係嚇你唔死都笑死你。
或者可以產生某種具有指示性嘅影響,震懾人心。
又可以暗示嗰啲建制嘍囉開工做嘢。

就算估錯,又有乜所謂?
民智未開嘅神權時代就係咁㗎啦!
先知每日嘅工作就係要為明日作出預示預告,
然後又為昨天作出嘅錯誤預告提供一個說法。
似是而非?前言不對後語?
呢D判斷係蟻民做嘅咩?

記唔記得2003年七一遊行前,佢估有幾多人出嚟?
大家又點會知道,閂埋門佢會同啲京官講啲乜!

問米佳長做長有,你估流㗎。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年4月9日 下午10:40

發表評論

讀取中…
「反獨」劇本早定「三步走」,Step 2就係「鬥垮戴叫獸」!