許智峯搶手機涉4罪 深夜8千元保釋稱不便透露太多

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

魔界|生活旅客博客

2018-5-5 21:00
字體: A A A

這個世界,有好就有壞,有玫瑰園就梗係有魔界啦。

上次嘅 local tour,上晝去雲林縣嘅玫瑰園,下晝嘅行程就去咗號稱南投最後一個秘景嘅武界──傳說中嘅「魔界」。

要入 「魔界」, 揸車要先經過一條好曲折陡峭嘅山路,重有條好陰森詭異吓嘅隧道。離開隊道之後會見到一個綠油油嘅山谷,好有《桃花源記》中「初極狹,纔通人;復行數十步,豁然開朗。土地平曠,屋舍儼然。有良田美池桑竹之屬,阡陌交通,雞犬相聞」嘅感覺。不過這種穿越時空嘅暇想,好快就俾豎立喺隧道口大大個嘅甚麼黨嘅某議員嘅宣傳Banner帶返現實了 ~ 斷估晉朝時嘅桃花園都唔會有咩政黨同議員掛。

關於魔界嘅景色,好難用我咁拙劣嘅文筆可以形容得好,大家都係睇相把啦。

但有一樣嘢好想特別一提,就係我哋沿山路去搵一條瀑布,山路來回要兩個幾鐘,好多由臺灣唔同地方嚟嘅遊人穿梭往來其中,但成條完全冇垃圾桶嘅路上居然連一件被棄置嘅垃圾或者膠樽、膠袋都冇。而我亦留意到回程嘅遊人有啲會手持住載咗垃圾嘅膠袋。自己垃圾自己帶走,真係好值得讚。真係希望到香港郊野公園嘅遊客都咁自律就好啦。

行山路期間遇到雷雨,天昏地暗。

雨後已近黃昏,夕照喺山巒之間影射出奇幻嘅光影同雲海,魔界頓成仙景。

一念天堂,一念地獄,大概就係咁解吧。

2018. 5. 3

要入魔界,要揸車經過好崎嶇嘅山路,再過一條好陰森嘅隧道。之後就豁然開朗,到達一片綠油油嘅山谷。

魔界秘境。

雨中的魔界。

雨後夕照中嘅魔界,有清風有艷麗嘅雲彩光影,頓成仙境。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年5月5日 下午9:00

發表評論

讀取中…
我的志願:移民|全民教育局HKEd4All