《明報》:沙中綫會展站垂直牆身支撐物不夠數 田北辰批「偷雞」

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

美麗島|生活旅客博客

2018-6-16 21:00
字體: A A A

嚟到高雄,好多遊客都會去美麗島行吓。

美麗島嘅捷運站,有著名嘅「光之穹頂」, 亦係去西子灣、英國打狗領事館等景點嘅轉車站。

其實除咗遊客,美麗島同西子灣文創區亦係好多本地人休閒渡假嘅好地方,加上而家西子灣站啱啱開通冇幾耐嘅輕鐵,由西子灣捷運站打狗領事館開始,沿文創區去到尾站近草衙道大魯閣,全程約半個鐘。

新簇簇嘅車箱,有冷氣,坐住就可以沿文創區兜一圈欣賞沿途風光民境,絕對係hea遊嘅上剩之選。

文創區亦好大,佔咗由西子灣開出嘅輕鐵頭3至4個站嘅範圍,所以如果想行文創區,可以先坐輕鐵由打狗領事館起點站一直坐到尾站,睇哂沿途風景,回程時至响尾二或尾三站落車,慢慢行番打狗領事館起點站,就可以行勻成個文創區,飲吓茶品,食吓輕膳,再買吓手工藝紀念品啊咁,再坐番捷運出高雄市。漫遊一日,係好寫意。

今日行美麗島或西子灣,好難聯想到這處曾發生嘅美麗島事件。而事實上,1979年12月發生嘅美麗島事件,係臺灣至1947年2月發生嘅228事件後最大嘅警民衝突,原因都係反對專政,要求開放黨禁同民主等,而兩者中間已相差咗32年,差唔多一整代人嘅時間。至1985年蔣經國喺行憲紀念大會脫稿演講,臺灣至開始開放黨禁,真正逐漸步向民主社會。

睇番這段艱辛而曲折嘅歷史,對經歷過89、97、03以至14年到今日嘅香港,會否有些啟示嗎?

但願我哋最終亦都可以見到香港恢復成一個我哋曾經引以為傲嘅「美麗島」吧。

2018. 6. 14

美麗島捷運站著名嘅光之穹頂。

西子灣捷運站新開通冇幾耐嘅輕鐵,坐住遊覽一圈約大半個鐘。有冷氣,車箱寬敞,係hea遊嘅極好選擇。

西子灣文創區,佔地好大,有成3到4個輕鐵站咁大。

坐西子灣輕鐵可以欣賞沿途風光。

西子灣文創區特色景物。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年6月16日 下午9:00

發表評論

讀取中…
法政匯思就立法會通過一地兩檢條例草案之聲明|法政匯思網誌