新一代社工大談90年代社福規劃 羅致光:年輕人常懷緬沒有經歷的過去

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

巴士|生活旅客博客

2018-7-21 21:00
字體: A A A

嚟到高雄半年,至第一次坐巴士。

因為我住喺岡山,這邊出入都靠揸車,出城就坐臺鐵或者捷運,係好少可搭巴士的。

高雄嘅巴士算幾好搭,比起喺臺中搭巴士嘅經驗,高雄嘅巴士比較頻密,亦更加準時。可能同這邊交通冇臺中咁繁忙有關。

高雄嘅巴士都係單層,坐位唔多,但多數都有位坐,又有冷氣。

巴士站有班次到站實時更新,而且可靠度都好高吓的。

巴士到每站亦有語音提示。喺臺灣搭巴士,上落站都要記得嘟卡,如果忘記咗,就會被收預設嘅全程收費啦。而落車時嘟卡嘅另一個好處,就係可以確認落車站冇搞錯,因為嘟卡器係會顯示落車站名的。

高雄巴士另一個令我欣賞嘅地方,就係啲司機都好有禮貌,上車時重會同乘客打招呼。這一點,的確比起香港強好多。

最近有報導話香港有巴士乘客上車窒車長要成世揸巴士,車長回敬一句叫佢成世坐巴士,都算好脾氣。否則發洩喺工作上,開車狂奔造成意外更加可怕。

其實無論乘客或車長,大家客氣啲,寛容啲,係可以避免好多無謂嘅爭執,令搭巴士都可以成為愉快嘅經驗。

2018. 7. 20

高雄市內嘅巴士站。

巴士站內都有清晰路線說明。

巴士站亦設有電子顯示到站時間資料,好準確吓㗎。

巴士內籠,好乾淨企理。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年7月21日 下午9:00

發表評論

讀取中…
日媒報道《刺殺騎士團長》被評「不雅」 圖書館閉館只供成人借閱