未直接回應要求撤回邀請 外交部駐港公署:反對外部勢力為「港獨」分子提供講台

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

麥記|生活旅客博客

2018-8-4 21:00
字體: A A A

從來冇諗過自己會喺麥記溫書,但世事難料,嚟到岡山,我終於嘗試咗平生第一次喺麥記溫書嘅經驗。

一直都覺得喺香港係冇可能喺麥記溫書 ~ 因為太奢侈:經常有人滿之患嘅麥記,想搵個位坐吓都難,身邊人來人往,試問點好意思霸住個位一坐幾粒鐘溫書?

當然的確有啲人做得到,可能係屋企環境真係唔許可,唯有揀麥記或者其他快餐店嘅角落,我都見過的。

岡山麥記屬於「豪華」型,喺火車站斜對面,有汽車購買通道,有泊車位,門口有露天座,室內有兩層,門口重有位麥大叔坐喺度。

二樓嘅座位屬於風景座,可以睇到成條中山北路嘅「景色」,有乾淨企理嘅廁所,重有不停播放嘅輕音樂。最犀利嘅,係重有間兒童遊樂室。買個餐就可以喺餐廳同小朋友消磨大半日,重有冷氣歎,真係冇得頂。

但係即使咁,餐廳都仍然大把位任坐,亦有幾「檔」好似我咁嘅「攤位」在邊食邊讀書,而整體都重係好寫意。

當然,這邊麥記嘅價錢都比香港平啲,好似一份經典早餐套餐,盛惠99蚊新臺幣,大約20零蚊港幣,平啲,但蛋嘅份量就稍為多啲,飲品亦大杯啲。食一份餐,重要坐足幾粒鐘溫埋書,真係冇得輸嘅選擇。

我雖然唔係超級麥記粉絲,但咁好嘅「讀書聖地」相信都會成為未來一個月我要經常「朝拜」嘅地方啦。

2018. 8. 1

 

坐喺岡山麥記門口嘅大叔。

門口嘅露天座。但天氣太熱,冇人坐的。

2樓豪華風景座,有冷氣,輕音樂,溫書一流。

連兒童遊樂室都有。

經典早餐,盛惠99蚊新臺幣,平過香港啲,份量亦多啲。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年8月4日 下午9:00

發表評論

讀取中…
梁振英以恐怖份子喻陳浩天 稱外國記者協會定演講題目「不能隨心所欲」