【「肺」語錄】林奮強:土地短缺問題嚴重如大火 仍商如何開發僅「蒸餾水救火」

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

睇醫生|生活旅客博客

2018-8-18 21:00
字體: A A A

人生,不外生老病死,食痾瞓,做同玩。有病,就要睇醫生。

臺灣嘅健保係好完善,每個月大約交1600蚊新臺幣保費,就可以喺公立或私立嘅醫院,診所啊咁,睇中西醫、專科、牙醫、物理治療等等,幾乎全包,係非常周全嘅制度。

喺臺灣睇醫生,公立醫院一般朝早比較多人,因為除咗睇醫生,重有攞籌、預約掛號等等。下晝就多數係處理上晝已經預約咗嘅個案,比較少 walk in,就冇咁多人。但整體嘅等侯時間,一定唔會好似香港嘅醫院,以至私人診所咁耐。

公立醫院嘅掛號分流做得幾好。登記處嘅姑娘會大致問吓你咩唔舒服,再建議你睇邊科嘅醫生。當然,你亦可以自己講明係要睇咩科。

至於牙科,我就揀咗喺私家牙科診所洗牙。講起上嚟好奇怪,這邊洗牙嘅感覺比香港「溫柔」同「滋油」好多,唔會擘到個牙骹痛哂,佢哋亦冇用吸管隊入我個口吸,而係畀我洗一陣就𠺘吓個口,所以成個過程就冇咁緊張。洗完,都一樣好乾淨。

因為供咗醫保,每次睇醫生嘅自付費用(咁當然醫保嘅保費都係自付嘅)就只係幾十到100或200新臺幣。好似洗牙咁,自付50蚊,即使計埋交醫保嘅1600蚊保費,其實都好抵。

當然,都係嗰句,健康最重要。有病就要睇醫生,但最好都係唔使睇啦。

2018. 8. 17

岡山市立醫院嘅等候區。下晝多數處理已預約掛號嘅個案,少 walk in,就唔會太多人。

醫院等候區有自助磅重度高量血壓脈搏嘅機,可以自行量度咗再攞住啲記錄見醫生。

醫保亦包牙科。喺臺灣洗牙感覺比香港「滋油」好多。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年8月18日 下午9:00

發表評論

讀取中…
辦公室化療:大吉嶺紅茶|全民教育局HKEd4All