練乙錚《紐時》撰文:習近平治下「紅色貴族」基礎小 民眾不滿可掀叛亂

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

行公司|生活旅客博客

2018-9-8 21:00
字體: A A A

人生係一個旅程。而對於我嚟講,行公司就係旅程中一定唔可以少咗嘅 itinerary。

當年喺金鐘返工,住喺西灣河,每日放工由公司坐巴士或地鐵,唔係直接返屋企,而係喺銅鑼灣落車行崇光,行到夠晒皮,至再搭埋下半程車返西灣河,再求其喺附近食啲嘢至返上樓嗰種。當年崇光冇咁多大媽,好好行的。

嚟到高雄,因為住喺郊區,行公司都少咗。不過高雄嘅大型百貨公司真係好好行,最主要係冇咩人,分分鐘成層樓你行晒,真正嘅任你行。當然,如果從做生意嘅角度就真係瓜得。但唔知點解,啲舖又全部頂得住繼續開。

高雄我行得最多嘅係新左營嘅新光三越百貨,因為方便,喺岡山搭臺鐵兩三個站,10零分鐘就到。而且人唔多,閒日去行,真係好寫意的。而漢神巨蛋就比較多人,尤其係這邊有鼎泰豐同添好運,經常排晒長龍,喺高雄嚟講都算係難得一見嘅墟冚。

至於行公司,其實絕大多數限於 window shopping 齋睇唔買。試過因為搬屋清理屋企,捐咗近50箱物品,而其中好多係冇用過,至發現自己真係買咗好多唔等使嘅嘢。所以而家行公司,幾乎只買 consumable 嘅嘢,廁紙啊、牙膏啊咁,連衫都唔會再買多件,免嘥。

老實講,人需要用嘅嘢其實真係真係真係(重要嘅嘢要講3次)唔多。買咗咁多擺喺櫃底幾十年都用唔著嘅嘢,其實只係因為慾望太多而已。

2018. 9. 6

新左營嘅新光三越百貨,地點非常方便,臺鐵同捷運都直達門口。

閒日行百貨公司,冇咩人。成層樓任你行。好寫意㗎。

百貨公司內嘅「空中花園」自成一格,係好舒適嘅休閒落腳點。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年9月8日 下午9:00

發表評論

讀取中…
翻查電郵得知不再調查UGL事件 林卓廷:對NCA決定感失望