「洋腸事變」男主角 自爆偏愛亞洲妹

湯家驊:唔需要(對白皮書)太過驚恐囉,我係一個樂觀主義者。

2014-6-12 18:18
字體: A A A

自從國務院新聞辦發表《「一國兩制」在香港特別行政區的實踐》白皮書,宣稱中共對香港有「全面管治權」,又說法官要愛國之後,立即引來軒然大波,大律師公會昨日亦發表4頁聲明反駁。不過,曾任大律師公會主席的公民黨立法會議員湯家驊,卻似乎相當樂觀。

湯家驊今日接受商台訪問時重申,大家應該以理性中立的角度來理解白皮書,而且要看畢全文,不要以偏概全,這樣就會看到其實白皮書「未必去到咁盡」。他又說,大多傳媒只引述白皮書的敏感內容,但其餘較溫和的文句如「在一國之內,兩種制度只有相互尊重,相互借鑒,才能和諧並存,共同發展」等等,卻「冇咩人掂」。

對於白皮書稱法官為「治港者」,又說法官的基本政治要求是「愛國」,湯家驊就嘗試站在撰文者的角度去看,覺得市民未必需要過慮。

他指出,相關段落有解釋,愛國者治港有依據,因為法官必須是中國公民、要宣誓擁護《基本法》等,「如果愛國係咁嘅意思,我覺得冇問題,一向都係咁㗎喎!」他重申大家要「成份咁睇」,而且要考慮「文化差異」,「大家因為各人的文化背景不同,呢點我不否定」。

主持追問,白皮書提及的「正確理解《基本法》」是指「政治正確」時,湯家驊就說「你哋會咁樣理解(政治正確),我覺得你可以咁理解,但唔需要太過驚恐囉,我係一個樂觀主義者啦,你應該知道寫手係邊個」。

湯家驊在訪問中不斷明示暗示,別人經常對其發言斷章取義,對他不公。既然如此,本報現在附上商台的錄音,大家不妨自行判斷。

(圖片來自湯家驊facebook)

請支持我們持續發展,透過PayPal或其他方法贊助我們!
金額:
分類:|發表於2014年6月12日 下午6:18

發表評論

讀取中…
即時關注│楊匡深圳遭判囚8個月