狐仙乘風來|畢秋水網誌

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

中秋|生活旅客博客

2018-9-29 21:00
字體: A A A

今年嘅中秋,我同屋企人喺花蓮渡過。

特別之處係除咗屋企人,我哋重同所住嘅民宿老闆和老闆娘一齊食團圓晚飯,可以講係奇妙嘅緣份。

花蓮係一個好純樸嘅地方,風景好靚,空氣非常清新。藍天白雲嘅亮麗度更勝高雄。

花蓮著名嘅景點有七星潭、清水斷崖、太魯閣等,都好值得一去。這些景點,將來再逐一介紹。

到埗當日,老闆到火車站接我哋,入到民宿間房,冷氣已經開到涼浸浸,稍事休息,老闆就兜我哋到花蓮市行街同食下午茶。

第二日我哋包車遊覽花蓮,路線同車都係老闆介紹,重煮咗好豐富嘅早餐同路上食物俾我哋帶住,因為老闆話沿路都冇咩好食。

到花蓮嘅第二晚係中秋節,我哋就邀請老闆同老闆娘同我哋一齊食晚飯,因為人多會熱鬧啲。但原來佢哋食得都比較清淡,又好少喺出面食,就反建議我哋喺民宿同佢哋一齊食。老闆更親自下廚,煮咗道極好味嘅東坡肉,重有鮮美嘅大蝦,簡直有大廚級嘅水準。就係咁,成就咗一餐奇妙嘅中秋節團圓晚餐。

民宿離花蓮火車後站好近,有3層,4間套房各有特色,打理得非常乾淨企理,原來都係老闆同老闆娘兩位自己做晒。佢哋仔女都喺臺北有好好嘅工作,兩夫妻就經營民宿同瑜珈教室打發時間。老闆同老闆娘都好客,真係令我哋有賓至如歸嘅感覺。

唔怪之得好多遊客到臺灣都鐘意住民宿,因為這邊嘅經營者做生意得嚟真係好有heart,好有人情味。

其實香港嘅好多小店都有這種特色,只可惜因為超昂貴嘅租金同大財團對市場嘅壟斷,已經越嚟越難經營了。惟有自己稍儘綿力,儘量多幫襯,支持小店啦。

2018. 9. 28

臺鐵花蓮火車站,好有特色。但聽講就嚟要拆咗重建,真係好可惜。

位於花蓮市嘅教堂。

我哋入住嘅花蓮後站瑜心民宿嘅老闆同老闆娘非常好客,民宿經營得好企理同溫馨。中秋節,老闆更加親自下廚煮咗餐有大師級水準嘅團圓晚餐同我哋一齊食。真係好感謝佢哋。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年9月29日 下午9:00

發表評論

讀取中…
瑞典電視台主持再為辱華風波「道歉」 改用中國國旗覆蓋世界地圖