澳門中聯辦主任鄭曉松因抑鬱症 於住所墮樓身亡

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

橫貫公路|生活旅客博客

2018-10-20 21:00
字體: A A A

人生係一場旅行,途上會經過唔同嘅路。而對於我嚟講,花蓮嘅東西橫貫公路係有好特別嘅意義。

第一次接觸東西橫貫公路,係 NN(雙位數嘅久遠年代)年前,小學4年班,上中文堂嘅「國語」課本。當年我讀嘅教會學校親臺,所用嘅課本都以中華民國為正統,每逢雙十,重要對住青天白日旗唱「三民主義,吾黨所宗」,兼向國父同蔣公行三鞠躬禮,對於今時今日嘅香港學生嚟講,實屬難以想像。

當年嘅課本,提到東西橫貫公路幾咁宏偉,工程幾咁艱巨浩大,沿途景色幾咁壯觀……這些描述,就潛移默化咁印咗喺個腦度,就好似以前背《桃花源記》咁,到咗 NN 年後,仍然可以隨口嗡出文章中嘅好幾句。

冇諗到嘅係,第一次真正可以置身於兒時神往嘅場景,居然係 NN 年後,啱啱過咗嘅中秋節。因為中秋去咗花蓮,包車遊覽花蓮著名景點太魯閣,師傅揸車喺公路穿梭,忽然停低叫我哋一定要落車「打卡」,最初不知就裡,重搲哂頭。落到車,眼前出現嘅竟然係當年喺小學課本中睇到嘅彩色插圖場境 ~ 東西橫貫公路嘅大牌匾,重有東西橫貫公路嘅紀念石碑……

當時真係即刻有種目瞪口呆嘅「震撼」感覺 ~ 勢估唔到小學時讀到嘅一課,居然會喺 NN 年後咁無意地出現喺眼前。

一篇課文,一場旅行,就貫穿咗 NN 年,令人不禁覺得人生真係有如黃粱一夢,忽然夢醒,原來已經 NN 年。時光荏苒,重有幾多光陰可以揮霍呢?當我哋紛紛擾擾,講咩「少壯不努力,老大徒傷悲」嘅時候,其實好多時唔只已經係「老大」,甚至已經到「嗰頭」將近之年了……

所以,老土啲,都要講句:珍重當下,愛惜光陰。

2018. 10. 18

花蓮太魯閣東西橫貫公路地標。

橫貫公路係開山劈石建造,工程浩大。置身其中,可以想像當年開鑿嘅難度。

橫貫公路其中一段,遊客可以落車行,感受置身公路山洞段中嘅特別之處。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年10月20日 下午9:00

發表評論

讀取中…
林鄭:大學收生不宜只參照成績 如要求全人發展「我呢位高材生」恐難入港大