「明日大嶼」:天地人三理不容|黎廣德網誌

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

再說花蓮|生活旅客博客

2018-10-27 21:00
字體: A A A

相信到過花蓮嘅朋友都會同意,除咗太魯閣嘅東西橫貫公路、七星潭、清水斷崖等都係喺花蓮必去嘅景點。

中秋去花蓮嘅時候,預先請入住民宿嘅老闆介紹花蓮嘅名勝,佢都係介紹這幾個地方。

初聽七星潭個名,以為係個潭,原來係個海灘。老實講,海灘唔係話真係好特別靚,比起之前去越南嘅海灘,同其他臺灣南部嘅海灘,都唔算特別。特別之處係海灘前佇立住一尊觀音像,有啲似香港淺水灣海傍,都係佇立咗觀音像。

至於清水斷崖,係喺去太魯閣途中經過嘅景點。我哋去嗰日,天色非常好,喺公路停車處嘅打卡點望過去,個天好藍,真係好靚吓。

令我印象深刻嘅,其實仍然係橫貫公路沿途嘅場景:因為公路依山而建,要開鑿隧道,其中燕子口一段,更突顯喺崎嶇山路中開鑿一條公路嘅高難度。當年喺小學課本中讀過嘅內容,都未如身歷其境咁震撼。所以話「讀萬卷書不如行萬里路」,真係好有道理嘅。

旅途尾段司機大佬帶我哋去咗間柴魚博物館,裡面賣好多柴魚,魷魚類嘅乾貨小食,有試食,都好好味。重可以自已即場試做柴魚雞蛋仔小食。

對我哋嚟講,其實係成個旅程中最鐘意嘅一環,逗留時間亦最長。買到大包細包滿載而歸,充份發揮港女嘅旅遊本色。

2018. 10. 25

七星潭唔算係特別靚嘅海灘,特別之處係海灘對開大草坪上佇立咗一尊觀音像,有啲似香港淺水灣海傍都佇立咗觀音像咁樣。

花蓮著名嘅清水斷崖。嗰日天朗氣清,藍天白雲映照下真係好靚。

橫貫公路燕子口段。

燕子口段嘅工程要喺崎嶇山巒中開拓出行車隧道,可以想像當年工程係幾咁艱巨。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年10月27日 下午9:00

發表評論

讀取中…
有黨魁涉收前解放軍富商巨額捐款 學者:政客對華裔紐西蘭人沒那麼警惕