灣仔遇上新彊|畢秋水網誌

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

臺中公園|生活旅客博客

2018-11-17 21:00
字體: A A A

我住喺高雄,間唔中會「北上」 ~ 多數都係去到臺中。喺臺中每次都會住嘅酒店啱啱喺臺中公園對面,但真正有機會好好「遊花園」就係今次11月份嘅臺中遊。

對上一次遊臺中,「係咁二」行過吓臺中公園,冇「漫遊」太耐,但就偶然見到松鼠,覺得有啲驚奇,所以今次有機會喺臺中逗留耐啲,就專登到臺中公園去搵松鼠。

好好彩,今次嚟臺中公園,好輕易就搵到松鼠,重好多。原來臺中公園嘅樹度住咗好多松鼠。聽這邊啲人講,幾乎每棵樹度都住咗松鼠家族。

這邊嘅街坊會定時嚟餵松鼠。我見有人餵松鼠,就學佢哋帶埋藍莓、士多啤梨、花生啊咁嚟孝敬啲朋友。點知嚟到至發現原來有警告牌唔准餵佢哋,違規被捉到要罰2000至10,000新臺幣,咁當然馬上收手。但係見啲街坊仍然照餵,問佢哋,佢哋就好似不以為然。重話如果唔接濟啲松鼠,佢哋就會捱餓。事實上,就我這次詳細觀察,班松鼠的確係會定時等開飯。有一兩位仁兄,一嚟到吹兩吓哨,啲松鼠朋友就會喺樹上衝落喺攞食,重會同啲老友寒喧吓,畀佢哋摸吓個頭,好友善㗎。

其實除咗松鼠,臺中公園重有好多白鴿,都唔到人,亦都係定時定候等開飯嗰種。

當然,亂咁餵松鼠或者白鴿,其實未必對佢哋好。慶幸這邊「外來」亂咁餵食嘅人唔多,而餵開佢哋嘅幾個街坊,似乎都好有經驗,會餵一啲啱佢哋食嘅嘢,亦似乎好有節制。至於佢哋有冇被罰過款,就不得而知啦。

但無論如何,人同動物都應該和平共存,而人類更加應該尊重其他動物嘅生存空間,善待動物,至不枉稱為萬物之靈。

希望臺中公園嘅松鼠同白鴿哋都生活愉快,繼續肚滿腸肥吧。

2018. 11. 15

臺中公園嘅大樹度住咗好多松鼠。

松鼠唔怕人,會定時出嚟等餵佢哋嘅朋友。

除咗松鼠,重有好多白鴿喺度搵食。

魚塘邊就有好多魚鷹,但晏就就全部閤眼瞓。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年11月17日 下午9:00

發表評論

讀取中…
譚耀宗指美國會報告罔顧事實 冀泛民議員減少到外國「唱衰」香港