【DQ補選】截至上午11時半 九龍西補選投票率為10.44%

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

配藥|生活旅客博客

2018-11-24 21:00
字體: A A A

媽媽11月份對我嘅家訪,臨時由一星期延長到兩個半星期,由於帶唔夠佢要長期服用嘅藥劑,我哋就去咗臺中嘅中國醫藥大學醫院配藥。

臺中有3間大醫院:除咗中國醫藥大學醫院,重有中山大學醫院同榮民總醫院,而喺臺中彰化縣就有基督教彰化醫院,都好有名。

喺臺中見醫生嘅服務比我住嘅岡山區更完善:我哋決定到距離酒店最近嘅中國醫藥大學醫院配藥,就打電話去掛號,講明要見醫生原因、配咩藥,接線生就好詳細介紹要見邊位醫生,用電話掛號,到指定日期時間直接到醫院登記(因為初診要先登記,覆診就用電話掛號預約好就可以直接按日期時間)見醫生就可以。

臺灣嘅醫生好細心,詳細睇咗媽媽嘅病歷,儘量配返同香港一模一樣嘅藥畀佢。某一兩隻藥嘅劑量或成份有些少差異,醫生亦非常詳細解釋。雖然媽媽要自費,但藥費都唔貴,配一星期藥亦只係2,000左右臺幣。 見完醫生,我問媽媽覺得同喺香港睇醫生有咩唔同。媽媽話臺灣嘅醫生都有一位護士一對一助理,而香港就冇,幾位醫生共用一位護士,搞到醫生同護士都疲於奔命。

由於媽媽喺香港睇政府專科已經好多年,對醫生護士嚟講都算 「熟朋友」,所以每次覆診都算順利。事實上,媽媽嚟臺灣之前去覆診,請醫生開證明畀佢帶針藥上機,醫生重特別提醒佢最好帶備病歷簿去旅行。而多得醫生嘅提醒,今次臨時要喺臺灣加配藥物,因為有齊資料都好順利。臺灣醫生重同我哋講,香港醫生開嘅藥都係好好嘅藥添。

近年香港出現幾次醫療事故,相信好大程度係因為資源不足,醫護人員人手唔夠,過於疲勞或培訓不足所致。事實上,香港嘅醫療水準一向都好高亦好先進,醫護人員亦好專業。如果政府肯多投放資源喺醫療方面,比如好似臺灣咁為每位醫生搭配一位護士,同整體增加醫護人手和設施,相信係可以減少好多醫療事故。

但今時今日嘅政府會咁做嗎?執筆之時,香港已出現兩宗老鼠傳染人類E型肝炎,但政府似乎重未有任何應變反應,對日漸變差嘅衛生環境更視若無睹,真係令人極度火滾之餘更加感到心寒。

2018. 11. 22

臺中嘅中國醫藥大學醫院門診候診室非常寬敞。

候診室門外有電子顯示輪候情況。用電話掛號又有健保卡嘅候診者,喺診室門口嘅機度插入健保卡,就可以登記報到咗。

大螢幕就顯示每間候診室嘅輪候情況,一目了然。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年11月24日 下午9:00

發表評論

讀取中…
盧偉聰再稱對女警決定開槍感自豪 指控警方「歎慢板」不公道