中國外交部召見加國駐華大使要求釋放孟晚舟 「否則必將造成嚴重後果」

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

展覽會|生活旅客博客

2018-12-8 21:00
字體: A A A

啱啱過咗嘅星期五,因為收到張茶葉展覽會嘅免費入場券,就去咗高雄展覽館湊熱鬧。

高雄展覽館坐落喺前鎮區,坐捷運可以到三多商圈,步行10零20分鐘到達,又或者坐捷運到西子灣站再轉搭哈馬星輕鐵到展覽館站。我因為懶,自然係選擇第二種方式。

高雄展覽館外圍嘅綠地好大,反而展覽館內籠感覺就冇香港嘅會展咁大。不過展覽館設施都好正,我去嗰日,除咗茶葉展,另外兩個展館重有旅遊展同加盟商機展,如果有耐性行晒,基本上可以消磨成日。

講返個茶葉展,除咗茶葉,重有好多地道土特產賣,好多試食試飲啊咁,同香港嘅同類展覽都差唔多。

可能因為當日未係週末,人流都唔算超多,冇香港嘅展覽咁人逼人,行得好寫意。

展覽會重提供接駁車來回會場同三多商圈嘅捷運站,亦唔算太多人,我排第一轉已經搭到車返三多商圈,所以回程時重慳咗程輕鐵嘅費用。

嚟緊個星期五,又有個寵物用品展喺展覽館舉行,我已經攞咗免費飛準備又去睇,因為喺香港怕人逼人已經好耐唔敢去睇展覽,所以有機會就喺高雄睇多啲自己有興趣嘅展覽。

九合一選舉過後,高雄國民黨候任市長韓國瑜已經講明要中門大開畀大陸客嚟,聽講已經有900幾團大陸團對準咗高雄,真係諗起都覺得有啲驚。所以而家唔趁未有咁多人時睇多啲展覽,因為恐怕遲啲又會好似香港咁,人多到唔敢再去睇啦。

2018. 12. 6

高雄展覽館嘅外與內

高雄展覽館外偌大嘅廣場

由高雄展覽館外望嘅景觀

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年12月8日 下午9:00

發表評論

讀取中…
盧偉聰指反恐小組到新疆取經 「應該就冇」到訪「再教育營」