新聞短打│曾俊華向白皮書投誠

Angelina網誌│打怪獸全攻略──搖頭族篇

2014-6-15 17:00
字體: A A A

對空姐來說,怪獸有好多種,當中公認最demanding的,必屬搖頭族人(又名咖哩國人)。

先旨聲明,本文不是想作種族歧視,只是就我Angelina平時的所見所聞,加上其他空姐的多年觀察,所得來的一些結論,純粹俾大家了解下外國文化;學蘇錦樑話齋,大家包容下,切勿太認真。

好啦講番正題,「搖頭族人」名銜的由來,是因為無論我們問什麼,他們都在搖頭。後來看過一段片才知道,不同的搖頭幅度是代表不同意思。我認為此片應加入各大航空公司的Training 中。當然,再講一次,搖頭係人哋文化,我非常尊重的,但有些行為我實在頂唔順。

此族的一大特色就係永遠,係永遠都渴水。

由一上機開始,他們就會問你拎水。一個要,全機都要。所以,未開始上客前,我都會事先倒一兩盤水出來。唔知大家有冇留意,某些航班會有樽小水在椅袋內,但某些又無。其實這些「小水」只會在公司重視的航線才會有,例如北京。由於要另外加錢請人preset,「小水」成本又貴,所以一般航線是不會有的。但本人認為,即使「搖頭族」機preset「小水」也是無補於事的。要放,就要放1L的!1L水,相信都係剛好夠他們支撐4小時左右的航程。

可惜,公司永遠都唔會咁闊綽。於是我哋每次出去,都會「wat打 wat打」之聲四起,並伸出一堆手出來搶水。除了水,酒類(尤其是威士忌)是他們第二最愛。上戰場,唔係,係派餐前,大家會上足彈藥,把飲品塞滿餐車面,圍裙袋塞多四罐啤酒。

派餐時也是障礙重重的。不要以為咖哩國人就全都食咖哩。人家是多宗教國家,不同宗教吃的都不一樣,也有相應的特別餐。

我重申,我尊重各人的宗教,要食特別餐本來是毫無問題的。不過,特別餐是要事前預訂的,我們派的時候,也是按座位派。問題是,咖哩國人很喜歡調位,於是有些訂了特別餐的就食唔到,好多冇訂的又扮有訂,一聽到只剩魚薯沒有素食的就發狂,拎張投訴信出來搖。結果咪又係玩死我哋!好啦,咁你淨食水果得唔得呀?唔得!最後食咗我哋個組員餐雞飯。原來雞是素食?!

故事還未完結,唔好以為佢哋飲飽食醉就會放過你,少年你太年輕了……

Call light以每分鐘一下的頻率,奪命追魂call你出去。咩事咁急呢?

「Wat打」
「Whisky」
「Help me take away the rubbish」

Request 無限loop,我認命了。

PS1. 搖頭教學:https://www.youtube.com/watch?v=Uj56IPJOqWE
PS2. 訂咗特別餐切勿調位

(圖片來源:任孤行的部落格)

請支持我們持續發展,透過PayPal或其他方法贊助我們!
金額:
分類:|發表於2014年6月15日 下午5:00

發表評論

讀取中…
明將「威名」震美洲 「榮登」華爾街日報