【貿易戰】中美元首再通電話 特朗普稱兩國貿易協商進展順利

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

冬至|生活旅客博客

2018-12-29 21:00
字體: A A A

2018年12月22號,亦係冬至。香港人有講 「冬大過年」。冬至,係一家團圓,分享喜悅嘅日子。

今年嘅冬至喺高雄渡過,多得朋友張生張太嚟探訪,由20號到22號晏畫,做咗「哎呀」導遊,好充實,好開心。

張生張太結婚39年,仔女都出人頭地,成家立室。張生係退休高級公務員,而且一直都積極做義工,屬於 「超級義工」嗰種。只要有慈善活動搵佢幫手,從來冇托手踭。我同妹妹都係喺10幾年前嘅義工活動度認識佢,一眨眼已經10幾年,真係光陰似箭。

今次張生張太到訪,適逢佢哋結婚週年紀念冇耐,12月21號更加係張太生日,所以張生就特別訂咗義大皇家酒店嘅豪華房,重安排咗驚喜晚餐𠱁張太開心。而我就有幸參與,做現場攝影。因為係 「超級電燈膽」所以拍攝都唔使打燈。

張生為張太安排嘅生日晚宴係酒店嘅豪華鐵板燒,重安排咗個DIY生日蛋糕,好有 gimmick。最令張太有驚喜嘅係一束粉紅色玫瑰,11枝,代表一心一意。張太驚喜到眼泛淚光,爆料話求婚時都未試過收花,應該真係好感動。

又適逢酒店總經理林生同夫人都喺度,更送咗份特別禮物俾張生張太,一齊見證這冧人嘅場面。

22號冬至日酒店請咗一班有自閉症嘅兒童喺大堂表演奏樂,亦為個慈善機構籌款。睇完表演,就同張生張太喺皇樓飲茶,食咗餐極豐盛嘅晏晝。

食完晏送張生張太到新左營高鐵站去臺北繼續佢哋嘅旅程,而我就順道去新左營嘅臺灣朋友嘅屋苑參加佢哋邀請嘅冬至聖誕自助餐晚宴,又係一個非常愉快嘅聚會。

有云出外靠朋友。今年冬至,多得張生張太同高雄嘅朋友(都係張生張太)一齊,成日都又充實又美滿。能夠同朋友一齊做冬,真係一份奇妙又值得感恩嘅緣份。

祝福兩對張生張太,重有林生林太都身體健康,幸福滿滿。

2018. 12. 26

充滿聖誕氣氛嘅高雄義大皇家酒店。

張生為張太特別準備嘅豪華生日鐵板燒晚宴。

冬至日喺皇樓享用嘅豐盛午餐。

收到張生嘅「一心一意」玫瑰花束,張太當堂感動到眼泛淚光。所以話,送花俾女士幾時都係好橋嘅。

2018年冬至日的幸福摩天輪。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2018年12月29日 下午9:00

發表評論

讀取中…
【香港被融合】「同股不同權」鼓勵陸企在港上市 「北水」勢將融入港股市場?