東南亞菜有段故|畢秋水網誌

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

車站|生活旅客博客

2019-1-5 21:00
字體: A A A

喺香港,機場係好多人相聚或者講再見嘅地方。而喺臺灣,車站,包括高鐵同臺鐵站,亦都係好多人相聚同講再見嘅地方。

對我嚟講,高雄新左營嘅臺鐵、高鐵匯集站,同我住嘅岡山嘅臺鐵站,就係舊年同好多嚟臺灣探我嘅朋友相聚同 say goodbye 嘅站點。

每次到車站,都不免匆匆忙忙,亦難得真係稍為停低腳步真正欣賞吓車站嘅風貌。

2019年嘅第二日,因為要去臺中辦事,買咗10點半由岡山去臺中嘅臺鐵飛。由於想喺岡山火車站門前搵到免費停車位,8點鬆啲已揸車到岡山站「等位」,等到8點40分左右等到個免費車位,泊好車,到岡山車站大堂都只係8點45分。

因為重有 「大把時間」,坐喺車站大堂,喺清涼嘅天氣下仔細欣賞吓車站,忽然感覺得到少有嘅休閑同 「寧靜」。

用 「寧靜」嚟形容車站,好似唔係好貼切,但因為呢日係返工嘅日子,喺上班時間出入火車站嘅人都唔多,喺大堂嘅人亦少,加上自己時間都充裕, hea坐喺車站,就有咗呢種悠然自得嘅寧靜感。

人生本身就係一個旅程。旅程太長,喺途上持續奔波都難免覺得攰。所以有時喺某個車站停留吓,稍事休息,亦不失為一種好嘅調整方法,就好似今次喺車站無意中感受到嘅自在一樣。

咁當然,對我嚟講,重有個重點就係車站度有個便利店。享受悠閑感覺之餘,更加可以食番件煨番薯、茶葉蛋,絕對係平淡中嘅亮麗美味。

祝大家喺2019年都一樣,繁忙中有安逸,平淡中有奇趣吧。

2019. 1. 2

高雄岡山臺鐵車站。

岡山係「大站」,除咗區間車,自強號,莒光號都會停靠,所以班次比其他站更頻密。

岡山火車站大堂。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年1月5日 下午9:00

發表評論

讀取中…
蔡英文指中國為兩岸穩定最大變數 望國際社會為台灣發聲