李慧玲批衝立會暴力 遭網民翻舊帳

何潔泓:我地攞木棍去開度玻璃門,好明顯係以卵擊石,但大家只係指責木棍,而唔係指責高牆。

2014-6-16 18:09
字體: A A A

土地正義聯盟執委何潔泓、粉嶺北農村及居民聯席成員卓佳佳及立法會議員梁美芬,今早到商台《在晴朗的一天出發》討論新界東北問題,對於梁美芬不斷提出,為何當日要用竹枝破壞立法會,點解有咁嘅衝擊行動時,何潔泓直表回應稱:「唔好開口埋口講暴力,我想講其實真正既暴力係可以殺人不見血嘅。」

她然後分享自己落區接觸村民的「所見所聞」:「我落村嘅時候,不少村民都說不知道前期工程要進行,佢哋有很多老人家,佢哋同我講,不知道立法會通過緊。係好多人唔知道嘅情況下仍然要剪布、快速限制發言。兩三個月或者半年後,推土機就會去到佢哋屋企,呢個係真真正正嘅暴力。」

何潔泓之後愈說愈氣:「點解咁著眼爛左度門?度門一日就可以起返好,但村民嘅屋企拆就係拆一世。老人家上公屋的話是很難重新適應生活,佢哋住左五代人都係養雞養豬種田。而古洞入面石仔嶺,千幾個老人家亦很難上樓或去其他老人院。呢啲全部都係制度暴力,在冇足夠的諮詢下屋企就被人移走,這些都是暴力,而不是粗口、推張凳出去。推張凳出去其實非常之溫和,你諗下你屋企被人拆嘅話,推張凳出去算得係咩嘢?」

請支持我們持續發展,透過PayPal或其他方法贊助我們!
金額:
分類:|發表於2014年6月16日 下午6:09

發表評論

讀取中…
梁國雄:亮相逞兇剪義布 星夜闖關阻專權 仆前繼後護東北 街頭巷尾撐公投