羅致光指現實生活「以訛傳訛」成常態 澄清易被愈描愈黑

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

總統|生活旅客博客

2019-2-2 21:00
字體: A A A

喺臺灣要見到總統,原來唔係咩好艱難嘅事。

機緣巧合下,喺社交平台睇到蔡英文總統會喺1月20號星期日下就到橋頭糖廠參加活動嘅消息。因為岡山就喺橋頭隔離,坐臺鐵一站就到,而星期日又冇咩嘢做,所以朝早同個朋友行完傳統街市睇海鮮拍賣檔之後,hea咗一陣就決定去橋頭糖廠行吓,順便碰吓運氣,睇吓係咪真係見到總統。

我12點到橋頭糖廠文創區,同平時一樣,自出自入,有少數遊人喺入面參觀遊覽,素食餐廳開大門做生意,因為肚餓,就第一時間食咗個大餐。

食完大餐,信步行去文創區嘅草坪,嗰陣大約1點,草坪周圍已經有工作人員預備緊佈置同擺設啊咁,但保安並冇特別,遊人都可以自由咁行嚟行去,並唔似有咩大人物要嚟,只係一般活動前嘅準備。

我行咗大半個鐘,忍唔住問現場工作人員係咪總統會嚟,佢哋話係。跟住就見到有人排隊攞飛 ~ 原來可以現場攞飛入到草坪範圍參加總統會到場嘅音樂會,於是就排隊攞咗張飛,之後又可以憑飛攞一張印有小英個樣嘅野餐墊,用嚟坐喺草坪。至於進入草坪前嘅安檢,亦唔係好嚴密。工作人員會叫入場人士打開啲手提嘅包或者袋目測一吓,之後再用金屬探測器掃吓個身,就搞掂。老實講,個程序重 「求其」過機場安檢。之前有媒體攻擊蔡英文唔親民,民眾行近佢要經過安檢;經過今次親身體驗,其實個程序好合理。堂堂一位總統參加嘅活動,有安檢係好正常,而且個安檢亦好快,講真,真係重好 「求其」吓。如果咁都要批評,就只能夠講係雞蛋裡挑骨頭嘅惡意攻擊囉。

入到草坪大約兩點,現場有樂隊表演音樂,主樂手用色士風吹奏一啲臺語歌,包括《雨夜花》同《星夜的離別》,原來係好好聽,如果大家有興趣,都可以上 YouTube 搵嚟聽吓。

之後見到位好眼熟嘅阿伯坐喺附近。坐我隔離、專登由臺南嚟撐場嘅阿姨話我知佢就係民進黨嘅元老許信良。佢重專登過去同許影相。重有位打扮到好似國父咁嘅阿叔,非常熱鬧。

會場重派水,咖啡加饅頭畀民眾,都算係比較奇特嘅臺式 「蛇齋餅糉」吧。

大約兩點半,蔡英文準時入場,因為佢行入嚟時啱啱係喺我身邊經過,重可以好近距離影到佢。不施脂粉嘅小英,其實真係幾靚女。

原來當日係紀念民進黨喺橋頭發動對抗專政,爭取民主嘅一場示威活動嘅40周年紀念日。許信良同陳菊都係當年參加示威嘅人,分享當年佢哋嘅親身經歷。

據許講,當年因為國民黨政府大舉搜捕社運人士,拉到唔單止會坐監,重可能連命都冇,所以個示威最後其實只得佢同陳菊等20零個人參加。而陳菊班女將,更加一馬當先行喺最前面。最後,當然係全部被拉晒。

近年香港對抗不公義,執法偏私,官員濫權瀆職嘅抗議遊行都越嚟越少人參加,大多數人覺得抗爭都冇用,已經心灰意冷;有能力嘅就選擇 「用腳投票」,令人有好大嘅無力感。

聽許信良講番佢哋當年都只有20幾人仍然堅持行出嚟抗議專政,真係覺得佢哋有著 「楚雖十戶,亡秦必楚」嘅勇氣同決心。

正如陳菊喺分享這段回憶時告誡在場嘅民眾,民主絕對唔係天會跌落嚟。要靠一代又一代嘅人,堅守初心,努力傳承,至可以延續。

希望年輕一代可以將前人對追求民主、自由、公義同法治嘅精神薪火相傳吧。

2019. 2. 1

1月20號蔡英文到橋頭糖廠參加橋頭事件40週年紀念音樂會,近距離同民眾接觸。

民進黨元老許信良都有參加集會,並上台分享當年只有20零人,都冒死上街抗議專政嘅經歷。

陳菊喺台上講述當年嘅示威,告誡民眾:民主要爭取,唔會天跌落喺。右為蔡英文,左坐者為陳其邁。

一位以扮演國父著名嘅演員都有參加集會。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年2月2日 下午9:00

發表評論

讀取中…
美國會議員提名學者伊力哈木為諾貝爾和平獎候選人 中國外交部:國際應認清是非曲直