練乙錚:思念社運失敗後下獄的年輕人|特約轉載

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

花市‧春市|生活旅客博客

2019-2-16 21:00
字體: A A A

今年 「回鄉」過年,對我嚟講有好特別嘅意義。

以前每年喺香港過年,唔會覺得有咩特別;但因為舊年自己喺臺灣過年,雖然多得好多臺灣朋友嘅照顧,新年都算熱鬧,但總唔及得喺香港過年咁開心同墟冚。

今年農曆年前返到香港,已經馬不停蹄咁一日走幾場見吓啲成年冇見嘅朋友。最特別嘅係年廿七當日,有位因緣際會喺FB「認識」咗成年嘅朋友提議嚟個世紀聚會,一齊去行維園嘅花市。

講起行花市,其實自己都好多年冇行,如果唔係朋友咁好興致,其實真係唔會專登自己去行。

今年行花市,除咗重拾一啲兒時回憶,最特別係睇到我這位朋友興致勃勃嘅開心樣,真係好受感染。事實上,我哋嗰日係邊行邊傾計,冇乜買嘢:朋友只係買咗啲卡通襪,同用20蚊飲咗個椰青;我自己就乜都冇買,就連椰青都冇買,因為喺高雄買相同嘅椰青係20蚊新臺幣而唔係港幣,有比較之下,自然係買唔落手。

估唔到嘅係第二日睇到朋友喺FB嘅貼文,原來佢同先生第二日又再去多次維園花市買花,當堂覺得可能自己唔係一個好嘅行花市夥伴,覺得有啲慚愧。

過年後嘅人日,又適逢屋苑搞咗個去昂坪360嘅旅行,可以去好耐冇去過嘅寶蓮寺同天壇大佛。

喺寶蓮寺外面有好多牛,頸上掛有 「請勿餵食」嘅牌,但都有啲遊客連膠袋咁餵嘢畀佢哋食,其實真係會害咗佢哋。無論如何,真係希望人類畀返多啲空間其他動物,尊重佢哋嘅生存權利吧。

我哋到達時昂坪時係朝早時段,好大霧,只能睇到大佛喺重重迷霧中嘅影,反而下就將近回程時啲霧散哂,可以好清晰咁睇到大佛。

人生,或者亦係要經過好多混混沌沌,至可以明心見性吧。

新嘅一年,都恭祝大家更加醒目,亦可以做個快樂老實人。

2019. 2. 13

維園花市嘅年花,因為天氣暖,好多喺過年前已經開得好燦爛。

維園花市嘅乾貨攤。

花市有賣有本地特色口頭禪嘅牌仔,啲內容好 「抵死」趣怪。

初七人日去昂坪360。朝早好大霧,大佛都只能夠喺重重迷霧下睇到個影而已。

喺昂坪市集區搵食嘅牛牛。

下晝霧散咗,可以清晰睇到大佛。人生,亦係要經過好多混沌,至能夠明心見性吧。

寶蓮寺香火鼎盛。

昂坪市集嘅新春幸運鼓。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年2月16日 下午9:00

發表評論

讀取中…
特朗普自稱與北韓建立良好關係 獲安倍晉三提名角逐諾貝爾和平獎