中環灣仔繞道 今早7時全面通車

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

中環|生活旅客博客

2019-2-23 21:00
字體: A A A

中環,係香港人都熟悉嘅地方。對我嚟講,亦有好特別嘅意義。

外婆嘅靈位係供奉喺士丹頓街嘅永善庵,前身係孫中山喺香港搞革命嘅秘密基地,而家已經被列為法定古蹟。細個嘅時候曾經聽外婆講過佢媽媽(即係我嘅曾外祖母)嘅事蹟,外婆係由佢爸爸單親湊大,而曾外祖母居然係秋瑾嗰類嘅女士,因為搞革命被斬首。物換星移,外婆嘅靈位最終又供奉喺革命據點嘅古蹟內,可以講係命運中神奇嘅安排。

而由士丹利街到中環自動行人天橋一帶,亦有兩個我特別有感受嘅「景點」~

其一係而家位於石板街旁邊嘅鐘沛攝影器材行。這間店喺士丹利街上已經好多年,原本係喺而家嘅賽馬會投注站隔離,上年經過嘅時候唔見咗,重以為執咗;今年再行過士丹利街,原來係搬咗到近石板街嘅一邊。對這間舖特別有印象,係因為多年前英國一位醉心攝影嘅同事,喺網上搵到資料,話佢想買嘅一部Nikon相機喺香港嘅這間舖買係最扺,就專登托我幫佢到這間舖買,再帶到上海交畀另一位英國同事返去時帶畀佢,都幾轉折。當年部機都賣成兩萬幾蚊,可以講係好貴嘅器材了。

士丹利街上另外一間著名嘅老字號,就係喺電動行人樓梯側邊嘅涼茶舖春回堂,真係好老嘅舖,前年重整幢樓翻新過,仍然能夠原地經營。

每次經過春回堂,都一定要飲番劑廿四味。春回堂嘅廿四味10蚊杯,重平過我屋企附近街市嘅舖頭,而且有回甘。以前都係用碗,近年可能因為搵人洗碗成本太貴,已經改晒用即棄發泡膠杯,其實真係唔係咁環保。香港天氣濕熱,感覺上一定要飲涼茶至可以去濕解毒。而對我嚟講,涼茶可以話係有病醫病,冇病補身嘅聖品,因為喺臺灣唔係咁方便飲到涼茶,所以返到香港,一經過涼茶舖就飲,就當係打咗流感針啦。

2019. 2. 21

中環著名嘅石板街,其實係砵甸乍街。砵甸乍街係以香港首任港督Henry Pottinger嘅姓氏作為命名。

鐘沛攝影器材行已經喺士丹利街上多年,之前喺賽馬會投注站隔離; 而家就搬咗到士丹利街同石板街交界處。

著名老店春回堂涼茶舖,10蚊1杯廿四味,好回甘的。

中環至半山嘅行人電動扶梯,通向舊荷里活道警署嘅通道亦開通咗,成為一個新景點。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年2月23日 下午9:00

發表評論

讀取中…
中央倡學習港珠澳橋建設者奮鬥精神 為實現中國夢「再立新功」