反共都要講技巧|畢秋水網誌

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

回航|生活旅客博客

2019-3-2 21:00
字體: A A A

農曆年前懷住興奮心情返到闊別成年嘅 「鄉下」,香港嘅旅程轉眼就到回航嘅日子啦。雖然話講咩 「快樂嘅日子總係過得特別快」啲咁嘅嘢係有啲老土,但今次返嚟成個月嘅時間其實真係過得好充實,差唔多日日有局。有時,重一日走幾場聚會,搞到忽然覺得自己變咗 「紅人」。

舊年年初身處機場準備離開時,總有些少「淒迷」嘅感覺 ~ 因為預咗成年都唔會返嚟,所以覺得有啲 「淒涼」,而對於將要喺一個新地方重新開始,又會有啲 「迷惘」。

一年後,所幸一切都安頓得妥當;今次喺機場,就少咗 「淒迷」嘅感覺,多咗旅客嘅心情。

喺香港期間,收到位臺灣朋友嘅訊息,問我離開香港咁耐,返到嚟會唔會覺得唔習慣,我話當然唔會;佢嘅結論就係我喺臺灣未夠耐。

其實即使喺其他地方再耐,比如我自己都曾經喺大陸 「長駐」過10年,返到香港都完全唔會唔習慣,因為畢竟係自己成長嘅地方,再加上熟悉嘅親朋戚友同濃濃嘅人情味。

年紀越大,就越能體會以前屋企老人家們口中嘅 「鄉土之情」。當然,我哋好多長輩嘅 「鄉下」真係喺廣東省或者大陸其他地方嘅村市; 而我口中嘅 「鄉下」就係國際大都會嘅香港。但係今次返嚟剛啱甚麼 「大灣區規劃綱要」發表,我所熟悉嘅香港亦會被漸漸融入大灣區,或者真係會變成名符其實嘅 「鄉下」啦。

2019. 2. 27

返到香港幾乎日日有局。蝦餃燒賣固然好味,但更重要嘅係每餐飯局背後嘅人情味。

香港機場同樣一條通道,舊年經過時係帶著「淒迷」感覺;今年少咗「淒迷」感覺,多咗份旅客嘅心情。

返到高雄,無需申報通道亦要大排長龍檢疫,原來係因為非洲豬瘟。

多得勤力嘅海關犬協助檢查,大大疏導咗人龍排隊檢疫嘅時間。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年3月2日 下午9:00

發表評論

讀取中…
谷卓恒續受訪稱香港非如想像中安全 程翔:或有反對者借谷言論施壓習近平