田北俊指商界感大灣區有發展機會 惟對修改《逃犯條例》感擔心

全民教育局HKEd4All

-教育路

教育是以民為本,我們一群有心的老師創立「全民教育局」,以專業論教育,全民參與,集思廣益,為制定教育政策出一分力。

港珠澳豆腐渣工程揭秘|全民教育局HKEd4All

2019-3-2 17:20
字體: A A A

呢排睇到有新聞話港珠澳大橋工程係豆腐渣工程,通車4個幾月,香港口岸旅檢大樓外就出現嚴重地陷,其實點只咁少嘢!呢個天價港珠澳大橋人工島仲有好多不為人知嘅問題,等我「港珠澳保安員小李」爆俾你知啦!

1. 點只旅檢大樓巴士站有沉降,其實成個島沉降嚴重,大樓入面有好多東一撻、西一撻嘅地磚拱起,「請勿接近」標語貼到周圍都係,行路都要兜路行!

2. 大樓消防系統有問題,消防鐘兩三日響一次甚至一日響兩三次,消防局成日接到警報:「又係你哋港珠澳大橋呀,小李?」

3. 為咗開橋急住交貨,成幢大樓得個大堂見得人,政府部門做野嘅地方好多未搞掂,唔少連部門房number同房名嘅牌都未貼上去,保安同事巡邏好容易蕩失路,走入啲唔應該入嘅地方。

4. 廁所去水有問題,搞到大樓嘅廁所塞,唔係一個一個馬桶咁塞喎,係一區一區咁塞!嚴重到要封廁所!仲有啲廁所門成日爛,更有部份廁所由開橋到而家都未安裝好。

5. 講完硬件,講下啲人手問題。由於趕着開橋,投入工作,前線同事尤其保安員缺乏足夠訓練,好多時遇到啲人誤闖禁區或者起哄鬧事都唔識處理。

6. 管理公司成日計錯糧,經常出少幾千蚊甚至成萬蚊糧,津貼又出唔足,追極公司都追唔足數,員工邊有心機返工?

7. 同工不同酬問題普遍,炒散員工人工仲高過正職保安員,出事又唔使負責任,嚴重影響正職員工士氣!

文:保安員小李@港珠澳大橋(全民教育局 HKEd4All 特約文章)(圖片來源:港珠澳大橋· 香港段網站)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年3月2日 下午5:20

發表評論

讀取中…
【貿易戰】特朗普稱貿易談判順利 要求中國取消對美農產品徵稅