港鐵架空電纜組件鬆脫致故障 東涌綫機場快綫服務一度暫停

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

地鐵。相撞|生活旅客博客

2019-3-23 21:00
字體: A A A

執筆之時,香港發生地鐵通車以嚟首宗相撞事故,觸目驚心。

雖然身在高雄,但晨早起身打開 FB 睇到商台嘅貼文,話地鐵相撞,當堂打咗個突。惺忪嘅睡眼都即刻擘大,睇清楚啲,應該係測試時發生,係冇乘客,至稍為定啲。

都話香港係福地,的確冇咩錯。試諗吓如果唔係測試時出事,後果真係不堪設想。事件之後,相信公眾對地鐵嘅安全一定有好多質詢。事實上,之前不斷爆出什麼短樁、剪短鏍絲、用大陸製零件、改用大陸製嘅訊號系統等等,已經有好多媒體質疑地鐵嘅安全性。

平心而論,我都唔想一提到大陸製嘅嘢就話唔好,因為大陸咁大嘅鐵路系統都係用佢自家製嘅設備,但都算安全可靠,咁點解嚟到香港就反而咁多問題?呢個似乎係更加值得大家關注嘅重點。 今次出事,希望令政府同港鐵受到輿論壓力會正視問題,將壞事轉化為好事,唔好真係搞到出人命嘅事啦。

總之,我想講嘅係,如果我哋真係認為,亦繼續期許香港係福地,就真係要多行善積德。我有幸認識好多朋友,都係為善最樂嘅人。當然,最需要積德嘅係各政府官員,唔好一味靠逢迎北大人就尸位素餐;更加唔好官僚到連一隻誤闖香港嘅無辜泰國小狗都唔放過,欺善怕惡。

這個博客每期都有相片。今期冇,亦唔係講咩有趣嘅事,只係希望港鐵唔好再出事就好。善頌善禱。

2019. 3. 18

(圖片來源:港鐵)

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年3月23日 下午9:00

發表評論

讀取中…
陸委會促交代與王志民會面情況 韓國瑜:「酸言酸語」非常無聊