大學變小學,管治變獨裁|高教公民

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

再說糖廠|生活旅客博客

2019-4-6 21:00
字體: A A A

我鍾意糖廠。糖廠係我度過「黃金歲月」嘅地方,有好多亮麗嘅回憶。

初到岡山,偶然知道一個臺鐵站之隔就有間橋頭糖廠,喜出望外。之後每有朋友到訪,橋頭糖廠都幾乎係我必定會導遊嘅地方。

上一次去橋頭糖廠,就係農曆年前聽聞蔡英文總統會到嗰度參加活動,抱住即管去撞吓嘅心情去湊熱鬧,居然真係近距離見到佢。

橋頭糖廠係日本人統治臺灣時建設,而家已經改設成文創園區,但啲設備同鐵路軌跡都有保留,從中可以睇到日本人做嘢嘅精細規劃。因為我熟悉糖廠嘅運作流程,所以比較起大陸、英國同由日本人建設嘅糖廠,特別有感受。

噚日係兒童節,亦係臺灣每年4月嘅長週末連假開始,由臺中嚟嘅朋友專誠帶囝囝想去糖廠玩。我哋去到園區門口,卻居然大門緊閉;門口重貼住張手寫字條,話4月4號至5號係兒童節同清明節,園區休園兩日。喺最多遊客會遊覽嘅長假期,遊覽景點卻居然都一樣休假,唔好話對香港人,即使係對臺中嚟嘅朋友,都一樣覺得匪夷所思,非常騎呢。

糖廠嘅故事重有好多,希望日後再有機會同大家分享啦。

2019. 4. 5

橋頭糖廠由日本人建設,而家已經改設為文創園區。

糖廠文創園區保留咗一啲設備同鐵路軌跡,從中可以睇到日本人做嘢嘅細緻同精密規劃。

今日嘅文創園區景貌。

糖廠內種咗好多紫荊花樹,好靚。

糖廠內嘅綠植好有日本色彩。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年4月6日 下午9:00

發表評論

讀取中…
麻省理工宣布拒與中國企業合作 香港公司需接受額外審核