【移交逃犯修例】外交部駐港公署再發聲明指修例為彰顯正義 籲各國尊重香港法治

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

動物友善|生活旅客博客

2019-4-20 21:00
字體: A A A

上星期香港兩單關於動物嘅新聞,各有極端:

城大開辦全亞洲最大嘅動物醫療中心嘅開幕儀式上,一眾高層興奮咁切燒豬,引發關公災難。呢單新聞亦令我諗返起幾年前所服務嘅機構新嘅分區辦事處開幕,行政部同樣訂咗燒豬慶祝。當眾人開心咁切燒豬影相,嚟自英國嘅老細特意提醒我哋幾個同佢喺FB係朋友嘅人唔好tag佢,以免佢啲英國朋友睇到唔開心。佢嘅sensible係我認識好多英國朋友都有嘅共通點,或者同佢哋嘅教育有關啦。總之,見微知著,亦或者可以部份解釋到點解英國人管治香港就管治得成功,換咗而家所謂港人治港,就搞到一鑊泡。無論如何,華人將慶典建築喺宰殺動物嘅基礎上嘅傳統,對今日動保意識枱頭嘅社會,的確係不合時宜。咁當然,西方亦有好多令動物受苦嚟滿足人類不必要嘅慾望嘅做法,其實都係應該被淘汰的。

另一單新聞就係荃灣野豬喺鬧市遊蕩,警方人員耐心引導佢行返上山,並冇好似以往一般做法,報愛協、捉豬,然後整到佢傷咗就話要人道毀滅呀咁。警方今次嘅做法引嚟一致好評,對近年低迷嘅警民關係有如注入返一啲活水。的確抵讚。

至於臺灣,普遍都比香港對動物友善:公共交通工具,包括巴士、臺鐵、捷運,以至高鐵都可以帶寵物,當然要放喺寵入面。屋苑基本上都冇話唔畀養寵物。而我住嘅岡山區,好多食店亦都會俾坐喺寵物車內嘅毛孩同佢哋家長一齊入去食飯㗎。

最誇張係有次喺銀行,有位顧客用袋帶咗佢兩個 「小朋友」入到嚟,就放晒佢哋出嚟行嚟行去,自己就喺櫃檯搞業務。銀行顧客同職員全部都若無其事,有啲會撩吓嗰兩個 「小朋友」,但佢哋又唔多睬人,啲人撩撩吓冇回應,就算。咁嘅場面喺香港,相信會係天方夜譚。

至於這邊嘅獸醫院,好似人嘅醫院一樣,都遠遠唔及香港嘅醫院咁有「人滿之患」,好似我朋友個「千金」睇開嗰間,主診醫生自己經營,由睇症、檢查以至配藥都一手包辦。閒日去基本都唔使點排隊,佢哋重會將藥片磨成粉劑至畀患者服用,好細心的。

有人話一個地方嘅文明程度可以由嗰個地方啲人點樣對待動物睇得到。由此而言,臺灣就真係比香港文明好多。

咁當然,每個地方都總有害群之人,臺灣不時亦會聽到虐待或者遺棄動物嘅新聞。最近更有一單護國海關犬畀移民官狠踢嘅新聞,令到移民官被鬧爆。至於佢有冇因為咁被紀律處分,就不得而知啦。

2019. 4. 17

岡山嘅一間獸醫診所,麻雀雖小,但好多檢查原來都可以做到。

有次喺銀行,有位顧客放佢兩個毛孩喺銀行內行嚟行去,自己就喺櫃檯辦業務。咁嘅場面,喺香港簡直係匪夷所思。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年4月20日 下午9:00

發表評論

讀取中…
高通與貴州合資企業傳月底倒閉 CEO回覆稱「一言難盡」