不要做心盲無明的人|全民教育局HKEd4All

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

沁園春·食|生活旅客博客

2019-4-27 21:00
字體: A A A

《沁園春》,係詞牌名,由東漢漢明帝女兒沁水公主劉致嘅莊園而得名。

《沁園春·孤館燈青》這首詞係蘇東坡從杭州遷往密州任知府時途中所寫。密州位於今山東諸城,而當時蘇東坡嘅弟弟蘇轍正喺齊州,也就係而家嘅山東濟南任職。兄弟二人相距益近,即將相見。回思昔日兄弟二人共同嘅政治抱負,感慨而今,寫下這首頗為「牢騷」嘅《沁園春》。

其中最後幾句:「袖手何妨閒處看。身長健,但優遊卒歲,且斗尊前。」 就道出咗蘇先生睇化世事,只希望健康優悠咁過埋下半世嘅感慨。相比千年以後嗰個姓毛嘅先生,喺差唔多窮途末路時寫嘅詞《沁園春·雪》,最末兩句:「一代天嬌成吉思汗,只識挽弓射大鵰。俱往矣。數風流人物,還看今朝。」可見性格之迴異,亦多少反映性格決定命運。

而我嘅沁園春,就係臺中一間上海食肆,近臺中火車站,好出名吓。聽講經常要排大隊。如果冇訂位,分分鐘冇得食。上次喺臺中,專登抽時間慕名拜訪,冇訂位。但因為係閒日,有幸可以食到。

老實講,上海館最剎食嘅小籠湯包,即使呢間被吹捧得咁巴閉嘅餐館,都唔及當年喺朗豪酒店明閣食到嘅咁好味。不過餐館佈置就的確好有上海食館嘅風味,加上幾檯打扮得好優雅精緻,講上海話上咗年紀嘅食客坐喺度輕談淺酌,真係有啲時光倒流到舊上海年代嘅感覺。

我唔識作詞,只能穿鑿附會寫兩句講吓這間店:「一間食肆沁園春館,喺臺中算係有名。小籠包,配酸辣湯羹,食飽至算。」

2019. 4. 25

位於臺中火車站附近嘅沁園春上海餐館,好出名吓。

餐館佈置好有舊式上海店嘅風格。

餐館嘅小籠包唔係好食到會跳上天花板嗰種,但個青菜就的確炒得好靚。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年4月27日 下午9:00

發表評論

讀取中…
FBI局長公開斥中國盡其所能竊美成果 攀上經濟階梯