港督夫人也偷食|畢秋水網誌

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

童叟無欺|生活旅客博客

2019-5-4 21:00
字體: A A A

高雄新左營新光三越地庫嘅一間食到飽肉肉店,令我諗起做生意嘅最高宗旨:童叟無欺。

其實間店我每次「出城」都會經過,但一直都冇幫襯,因為一個人唔會諗住食300幾臺幣嘅食到飽火鍋。喺新左營,有好多百零蚊套餐都可以選擇。

前兩日妹妹同媽媽嚟高雄,同佢哋出新左營買手信,妹妹建議食呢間,居然無意中發現有咁抵食到核爆嘅餐廳。

臺灣有好多號稱「食到飽」嘅餐廳同火鍋店,的確係可以食到飽,但其實係有限制。比如喺臺中我食過嘅兩間號稱食到飽嘅火鍋店,其實只係配菜同烏冬或者公仔麵呀咁可以任食,但主菜嘅豬牛肉或者海鮮就只會係一份。

講返高雄新左營新光三越地庫喱間食到飽嘅星野肉肉鍋,有3款主食肉:豬肉,雞肉同五花腩肉都真係任食任加,每位連加一都只係大約400蚊臺幣,重有好多款菜、麵、冷盤小碟、飲料、甜品以至湯底都任加任食。咁當然,如果要食牛肉或海鮮類就要另外畀錢。但係晏就早去食,又送「早鳥」料好似鴨肉呀咁,所以如果唔使一定要食牛肉同海鮮,真係已經有好足夠嘅選擇,係非常咁抵食,更加稱得上係貨真價實嘅任食食到飽餐。妹妹都食到畀晒讚。餐廳唔想啲客浪費食物,所以如果攞太多剩低係要罰錢。相反如果食得乾淨,重會畀優惠券可以下次使用。我哋飽吃後重攞到優惠券,就畀咗高雄嘅朋友推介佢哋都去幫襯。

除咗食品,餐廳環境亦都好舒服,重冇限時。咁嘅食肆,喺香港寸金尺土之地就真係冇可能搵得到啦。

好嘅地方係值得推介同分享,即使並冇任何廣告費。做生意,口碑同商譽真係好重要的。呢間店嘅食到飽餐算得上做到童叟無欺,真係要讚嘅。返到高雄,我都一定會再去幫襯的。

2019. 5. 2

 

位於高雄新左營新光三越地庫嘅這間食到飽肉肉鍋店,環境非常寛敞舒適。

除咗主餐嘅豬肉,雞肉同五花腩肉都真係任食,重有好多款新鮮蔬菜、冷盤、甜品、唔同口味嘅公仔麵款,全部都任食。

餐廳重提供多款冷熱飲品,湯料等,都可以無限refill的,真正做到童叟無欺,絕對抵讚同值得推介。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年5月4日 下午9:00

發表評論

讀取中…
【移交逃犯修例】會議三度暫停 內會終通過指引由石禮謙取代涂謹申任主持