接獲親遞外交照會林鄭否認「前所未見」 歐盟23條時僅發主席國聲明

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

母校|生活旅客博客

2019-5-25 21:00
字體: A A A

前兩日要喺Festival Walk開會,因為早到,就喺又一城Super Sandwich食咗個豐盛早餐,又順便去返轉母校 ~ 城市大學行個圈。

由又一城行入城大,忽然驚覺原來已經畢業咗N年。我係嗰啲曾經喺旺角臨時校舍返過學、「理工」時代屆別嘅 「產物」,可想而知年代有幾咁久遠啦。

當年初初搬入九龍塘校舍,並冇又一城,要喺學校以外地方食飯,就要去到石硤尾舊區。相比之下,今日由學校經過條隧道就去到乜嘢都有嘅又一城,又唔使日曬雨淋,真係覺得啲學生好「巴閉」。

學校園區同鎮校神獸都冇乜改變,但水牌嘅指示上就多咗好多新設施 ~ 好似多媒體中心以至學生宿舍,當年都梗係冇啦。

城市理工創辦時係主打商業同經濟方面嘅學科,座落喺市中心,感覺都好商業化。而家更直接連到又一城咁大嘅商場,個人覺得係所有大學中最別具特色嘅一個亮點。如果有機會再返校園書吓書,相信都會揀返城大,因為放學就可以行公司,真係好爽。

祝福我嘅母校。

2019. 5. 24

由又一城到城大只係行過條隧道,方便快捷,又唔駛日曬雨淋。隧道牆上寫住城大校訓 「敬業樂群」。

城大數景。

城大嘅鎮校神獸,由搬入九龍塘校址起就負起鎮守學校嘅使命。

校園區水牌顯示多咗好多新設施,包括多媒體中心同學生宿舍,當年都冇啲。
又一城商場食店嘅豪華早餐。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年5月25日 下午9:00

發表評論

讀取中…
被Wi-Fi聯盟暫時限制參與活動 華為:正努力尋找解決方案