【移交逃犯修例】林鄭突宣布暫緩修例 本月初曾反問「有咩理由要放棄」

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

雨|生活旅客博客

2019-6-15 21:00
字體: A A A

岡山落咗整個星期嘅雨:落吓、停吓,更不時雷電交加,反反覆覆。

6月9號,全世界再次睇到一個打10號風球都會老老實實返工嘅民族,點樣冒住酷暑自發咁行出嚟,由天光行到天黑,為捍衛自己免於恐懼嘅自由而表態。我有好多好多已經好耐都不問世事,上晒岸,隨時可以到其他地方生活嘅朋友都居然企出嚟,更喺群組中分享訊息,參與咗這次壯舉。百多萬人嘅和平示威,亮麗嘅公民質素,令全世界動容。更令身為香港人嘅我,感到自豪。

事件嘅發展,卻令人傷心而憤怒。就好似這成個星期嘅天氣一樣。

我唔想多費唇舌去鬧一個冇得救嘅獨裁大媽同佢嘅爪牙,免得自己嬲到失去理智。我哋身在外地,都可以為香港做啲事:

聯署要求美國政府執行特別法例,凍結嗰啲漠視民意、強推修例嘅港共官員同建制議員喺美國嘅資產,並拒絕佢哋入境美國。

https://petitions.whitehouse.gov/petition/request-sanctions-against-those-responsible-extradition-law-amendment-hong-kong

聯署者會收到一封美國國會嘅回覆電郵,要喺電郵上做確認點擊,就能夠作實聯署。當有超過10萬個簽名,美國政府就需要作出回應。

聽講6月16號星期日又會再發起遊行,其實係好擔憂。但無論如何,懇請大家一定要保持克制,和平表達意見,唔好受挑釁,更加要保護好自己,至可以保護香港。

人生係一場旅行,但行程未必全部順暢,亦會好漫長。但係喺風雨中有同路人互相扶持,再艱難嘅路,都可以行過的。

烏雲後總有晴空,雨會停。

願天佑我城。

 

2019. 6. 14

 

高雄整個星期嘅天氣都好反覆,不時烏雲密佈,雷電交加,滂沱大雨,有如香港嘅局勢同香港人嘅心情。

即使再大雨,烏雲後仍有晴空。願我哋都保守希望。願天佑我城。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年6月15日 下午9:00

發表評論

讀取中…
【移交逃犯修例】港澳辦支持林鄭暫緩決定 陸委會重申反對「披著司法外衣的政治圖謀」