【移交逃犯修例】女大學生粉嶺墮樓身亡 牆上留下反修例句子

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

愛蓮說|生活旅客博客

2019-6-29 21:00
字體: A A A

新居入伙,由臺中嚟嘅朋友話一定要送盆花俾我。我唔係咩愛花之人,屋企一向連花毛都冇一條。但朋友盛情難卻,就去花圃揀咗兩盆花。因為岡山好多人屋企門口都會擺盆水蓮花,好靚;加上中學時讀過嘅一篇《愛蓮說》,就決定其中一盆選擇蓮花。

盆花一放喺露臺就開咗,真係好亮麗。之後每日悉心換水,不斷有花開。原來蓮花重有個特別之處,係天光就開花,天黑就會合埋,唔養過係唔會知。而所謂 「凋謝」嘅蓮花,就係合埋咗就唔再開,同一般嘅花嘅謝法唔同,頗有種 「湼盤」嘅感覺。

但所謂 「大愛必甚費」,因為鍾意盤花,諗住幫佢 「施肥」,就放咗啲生雞蛋殼落啲水度,諗住俾啲花 「補吓」。結果卻竟然搞到盤花生晒蟲,一粒粒好似米粒咁大好多腳嘅蟲爬吓爬吓喺啲葉同莖度,㩒扁咗重好似有血咁,真係恐怖到毛管棟。最後,用咗一日時間徒手「除蟲」,再喺上次返香港時將盤花交托畀小區管理員伯伯放喺屋苑嘅花園,希望救得返。

今次返到岡山,喜見管理員伯伯不負所托,盤花真係開番,一樣咁靚。感謝佢哋之外,亦驚訝於表面柔弱嘅蓮花原來有咁頑強嘅生命力。

而家盤花已經成為屋苑花圃嘅一個亮點,比起由我這種冇耐性又唔識照顧花卉嘅人嚟打理,應該幸福多啦。

但願佢堅持「出淤泥而不染,濯清漣而不妖,中通外直,不蔓不枝,香遠益清,亭亭凈植」。

而我就保持「遠觀」似乎更適合了。

2019. 6. 27

 

新居入伙,朋友送嘅蓮花喺露臺開得好靚。

幾乎畀我 「餵死」咗嘅蓮花,交到屋苑管理員叔叔手上被救返生,重新開得燦爛又明亮。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年6月29日 下午9:00

發表評論

讀取中…
政府指中區軍用碼頭屬軍事設施由駐軍管理 任何人未獲授權進入屬違法