【移交逃犯修例】市民悼念反修例示威者 留下「一個都不能少」字句(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

何去何從|生活旅客博客

2019-7-6 21:00
字體: A A A

人生係一場旅行。

但同一般旅行唔同,人生嘅旅程好多時都唔係可以完全由旅客自己計劃。

2019年7月1號,香港人就好似被放喺一部唔知會載住自己去邊嘅列車上,對一件擾攘近月嘅事件最終會如何落幕,茫茫然不知所以。這種感覺,其實由22年前嘅同一日,或者更早已經開始,一直冇停止過。

咁多年嚟,有人選擇跳車、中途轉車,有人選擇坐喺車度等運到,更有人選擇嘗試改變車速,以至行車方向……總之,車上嘅紛擾,從未停止過。

車上嘅乘客,以至已經跳咗車或者轉咗車,卻仍然關心自己曾經撘過嘅這班車、重有親人朋友喺車上面嘅人,都經歷住無可奈何嘅筋疲力竭,感覺真係好攰,好攰。

或者,係時候大家應該暫且坐喺車度乜都唔做住,只係再認真靜靜反思, 諗吓自己下一步到底想點。

即使你覺得冇可能可以改變車速同行車方向,你都可以選擇跳車或轉車。如果你冇辦法跳車或轉車,起碼你可以令車內嘅氣氛好啲,坐得舒服啲……

再樂觀啲諗,如果你重後生,唔好咁快覺得自己一定改變唔到車速或行車方向,因為你重有機會做車長,就可以做到你想做嘅嘢。

當然,要做到車長唔係一朝一夕嘅事,更加要確保你首先唔好俾人掟咗落車或者廢咗武功。

如果你將來真係做咗車長,重要確保自己不忘初心。

雖然人生嘅旅程唔係全部可以由自己規劃,但畢竟有你可以調整同努力嘅方向。起碼,你可以選擇自己用咩心態坐喺車上。

攰,唔緊要,抖吓氣,再行過。

因為,柳暗總有花明。

只要,唔好放棄希望。

2019. 7. 2

 

香港號列車,何去何從?

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年7月6日 下午9:00

發表評論

讀取中…
有群組發起「光復屯門公園」遊行 召集人指「大媽」問題困擾當區居民