范析852 | 從《浸會大學條例》 看「梁粉」校長湧現之謎

史物夫網誌│國富論│吳亮星影衰香港財金界

2014-6-23 22:50
字體: A A A

「從前,賓架係上流社會代表,備受尊重。」咪天真,咪傻啦!賓架係所謂資本主義泊車仔,搵食啫,受乜野人尊重?大家睇錢份上,先敬羅衣後敬人,咁簡單嘅道理,你唔係唔知下化!

做得社會棟樑,識得鬧,梗係鬧賓架啦。

不過,有件蛋散,叫做吳亮星,將賓架形象推到史無前例低點。冇錯,連賣迷債都冇咁肉酸。賣迷債,你都可以話為兩餐乜都肯制呀前世。有冇人可以話我知,點解班銀行佬要搵件集友二打六代表呢個既得利益集團?家陣銀行界人才真係咁凋零?

銀行界,考慮下換左呢件蛋散啦!我知道,匯豐唔想中銀渣打坐大,中銀又唔想外國勢力入侵,但係你都要有個似似樣樣嘅代表。吳亮星?你話佢代表香港財金要塞,香港死得啦!

吳亮星呢條友,做三流銀行,做三流議員,做三流愛國愛港代表,影衰財金界,影衰議會制度,影衰香港,點解可以大搖大擺留底?你話佢有北京祝福,咪低能搞笑啦,有北京祝福,一早大把錢啦。香港就係有班二打六,招搖撞騙,話自己係阿爺代表;查實,血統亂過深水埗北河街隻流浪狗,阿爺隨時連餿汁撈飯都懶得比佢食。

睇下幾多人同呢隻集友銀行家劃清界線啦!泛民識得玩,梗係用盡全力打吳亮星,睇下獻世派有幾盡心盡力去幫佢。

「老史,佢同你有仇?駛唔駛去到咁盡?」嘿嘿嘿,我老史行走江湖,一直以來都信冤家宜解不宜解。不過,我第二戒條就係,唔怕神一樣嘅對手,只怕豬一樣嘅隊友。呢件集友吳亮星,我同佢素未謀面,但係我可以肯定,佢影衰成個財金界,影衰香港,冇仇冇怨,都一定除之而後快。

我寫包單,吳亮星冇左議席,甚麼都不是。佢識做銀行?笑死人咩。銀行大班個個都醒過鬼,邊有人咁蠢會去做立法會財會主席㗎!更何況條友連會議基本都唔識,做銀行係咁求X其,你唔驚就有鬼啦!

 

(原圖取自:蘋果日報)

 

(作者:史物夫)

請支持我們持續發展,透過PayPal或其他方法贊助我們!
金額:
分類:|發表於2014年6月23日 下午10:50

發表評論

讀取中…
深圳大學法學院副院長鄒平學:你(佔中投票)300萬人對抗這個13億嗎?