練乙錚:反送中正改變世界輿論 抗爭升呢方可血債票償|特約轉載

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

天意難測|生活旅客博客

2019-7-20 21:00
字體: A A A

喺臺灣1年幾嘅時間,托福冇遇過真正嘅打風。

舊年香港嘅10級颱風山竹,吹到連大廈較高層都搖吓搖吓,自己當時唔喺香港,都收到好多朋友嘅訊息話感覺好恐怖。雖然唔係親歷其境,都可以感受到當事者嘅恐慌。

舊年高雄最大嘅「天災」應該係8月中一場忽然而至嘅大暴雨,雨勢足足有香港嘅黑雨級,甚至有過之。由於政府冇提早宣佈停市引嚟批評。但事實上,當日嘅特大暴雨係近晏晝至落,所以朝早其實好難話要停市。不過因為民眾嘅批評,政府為免萬一,就宣佈第二日停市。但其實到咗第二日,雨勢又唔係咁大,最多只係香港嘅黃雨級。

今次「丹娜絲」颱風警報,原本話係「穿心颱」會橫掃臺灣,星期四零晨殺到。星期三就好大霧霾,好焗,真係成個打大風嘅勢。點知到咗星期四朝早,天氣忽然又開朗番,原來個風轉咗向,又唔吹嚟了。

咁啱嗰日有朋友到岡山,下就重可以帶佢哋去橋頭糖廠玩,重好熱。

到咗今日星期五,聽講颱風又分裂咗,又開始有番風雨……

這陣嘅天氣,確如香港同臺灣嘅世局般吊詭。到底天意或世局更難測?真係個永遠難解嘅課題。

2019. 7. 19

 

星期三,聽講「穿心颱」會襲臺, 天氣開始變得好焗,有煙霞,一副即將打大風嘅格局。

原本星期四到嘅颱風忽然轉向,打唔成。剛好有朋友到岡山,重帶咗佢哋去橋頭糖廠玩。

這排嘅天氣同港臺嘅政局一樣吊詭。天意難測,可否有channel直達上方問吓?

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年7月20日 下午9:00

發表評論

讀取中…
【移交逃犯修例】建制派「守護香港」集會今舉行 梁愛詩鄧竟成等響應