【8.10大埔行動】警方於車公廟路採取行動 驅散示威者(有片)

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

守護者|生活旅客博客

2019-8-10 21:00
字體: A A A

8月4號,延遲咗幾次嘅將軍澳區遊行確定會主辦。所住屋苑嘅業委會好緊張,喺遊行前幾日做好佈置,出晒通告表示如非因為屋苑內有人報警求助,屋苑屬私人地方,希望警方尊重私人業權,如果需要進入,亦需要有足夠嘅法理依據和搜查令,並需要跟足相關程序處理。

事實上,經過7月份連串嘅抗爭活動同其後伸延嘅衝突,好多私人屋苑對於遊行後警察可能因為追趕示威者而進入屋苑,導致衝突以至使用武力,包括施放催淚彈都頗為擔心。將軍澳區嘅遊行路線雖然離屋苑有段距離,但業委會都好緊張。所謂唔怕一萬,最怕萬一。

為安全計,業委就召集屋苑住戶擔任義工,喺4號當日喺屋苑唔同嘅入口「看門口」。

就當日做義工所見,出入屋苑嘅住戶,6成人嘅反應係疑惑加緊張,疑惑大概認為遊行路線離屋苑好遠,唔明白點解要「佈防」,緊張就係擔心萬一事件蔓延到屋苑,保安同義工是否可以處理。

另外有大約3成街坊,就會向佈防嘅保安同業委和義工投以感謝嘅表示,亦會關心吓事態發展。至於重有大約1成嘅人,就比較兩極化:

有人行過會大大聲咁叫我哋唔好畀「黑衣人」同「暴徒」入嚟,又有人質問點解要出通告話唔畀警察入屋苑執法。另一邊,又會有人質問我哋著黑衫係咪就會被「標籤」,如果有黑衣人求助我哋會唔會幫手等等……總之,部份人的確好情緒化,好彩唔同立場嘅居民冇正面接觸,否則可能又有更多人與人之間嘅衝突。

當日我哋作為義工嘅任務,就係要守護住屋苑,協助保安儘量避免「任何非住戶及未經許可人士」進入屋苑,目的就係要防止屋苑內有任何衝突。面對唔同住戶嘅立場同情緒,我哋發現儘量避免提及任何敏感字眼,儘量持平咁解釋我哋嘅角色同上述嘅工作係比較有效,同被大多數街坊接受嘅可行方法。

當日由下就做到凌晨一點,萬幸未有任何事件波及屋苑,各人總算暫時鬆咗口氣。可惜成個香港仍然處於躁動和不安中,係好令人難過。

當日做義工守護屋苑嘅經歷,令腦際中重複出現一句說話:「當你凝望深淵,深淵也在凝望你」。

願我哋都以之為戒而慎之。

2019. 8. 9

 

8月4號將軍澳嘅遊行路線雖然離開屋苑頗遠,但為防萬一,業委都召集義工協助保安守住屋苑各入口。

遊行後並冇任何事件波及屋苑,大家總算鬆咗口氣。但願香港亦可以儘快渡過這次嘅困境吧。

當日屋苑業委喺入口設置急救箱,以防萬一。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年8月10日 下午9:00

發表評論

讀取中…
【移交逃犯修例】聶德權:修例爭議源頭已消失 另設機制處理針對警方投訴不合適