【光復紅土】警方晚上驅散旺角警署示威者 曾於天橋底一度舉槍

生活旅客

-生活。旅行

在香港成長嘅港女。因緣際遇停留過在唔同嘅地方生活,經歴有趣嘅人和事。 今年會搬到岡山,機緣巧合開始幫 852 郵報寫週記,分享在生活旅程中嘅所見所思。

大館|生活旅客博客

2019-8-17 21:00
字體: A A A

8月12號星期一,因為一早約咗朋友喺中環飲茶,就去咗轉中環。巧經重新裝修開放成古蹟景點嘅中環舊警署,俗稱大館,百感交集。

殖民地年代,香港經歷咗67暴動,警隊執法平亂後受英女皇嘉獎,賜予「皇家」銜頭。但當時無論係華人警隊頭目,人稱華探,以致英國派駐嘅警隊督察級及更高層嘅管理人員,都唔多唔少涉及收賄以至勾結黑社會等指控。

1971年,麥理浩男爵(Crawford Murray MacLehose,Baron MacLehose of Beoch,KT,GBE,KCMG,KCVO,PC,HonLLD,MA,1917年10月16號 至2000年5月27號,香港第 25 任總督,1971年11月19號上任。)一位高大英偉嘅蘇格蘭先生被任命為香港總督,決心洗雪警隊污名,喺73年宣佈成立廉政公署,直接向港督本人匯報,矢志肅貪倡廉。

由於當時廉署嘅行動對整個警隊牽連甚大,警隊集體反抗,引發74年嘅警廉風暴。面對危局,麥理浩當機立斷,宣佈對除咗已經展開調查並進入司法程序嘅極嚴重案件,同可能危及社會重大利益並由調查當局向其本人直接匯報嘅案件,對所有其他警隊人員以往涉及嘅貪污案件既往不咎;但同時警告所有公職人員絕不能喺特赦後再干犯任何貪污罪行,否則嚴懲不怠。

事件喺麥理浩果斷而堅定嘅處理下迅速平息。其後麥理浩更以引渡法追擊已潛逃返英國嘅「同鄉」總警司葛栢,捉佢返香港接受審判同服刑,令民眾感佩。

當年麥理浩處理警廉衝突同頒佈特赦嘅錄音,筆者都有保留。每次重聽,都深刻體會到一位英明能幹領導者嘅風範。

香港整個公務員體制,包括警隊,喺麥理浩管治下,成為全亞洲最有效率,備受推崇嘅系統。

講番星期一經過大館,由6月12號警察喺中環施放催淚彈,追打示威者入中信,到啱啱8月11日警察追打示威者入太古地鐵站,推佢哋落電動樓梯,甚至喺葵芳地鐵站施放催淚彈,卻對721元朗白衣黑社會無差別攻擊市民,同其後喺荃灣同北角嘅黑社會打人事件袖手旁觀而被冠以「黑警」惡名;無恥無能嘅林鄭更加諉過於人,刻意製造警民仇恨等等現實發生嘅事件,對比之下,望住大館這棟舊建築物,撫今追昔,真係有種欲哭無淚嘅感覺。

香港人點解「戀殖」, 一幅幅舊片段,一時間就好似都投影咗喺大館外嘅石牆上,久久縈繞不退。

2019. 8. 15

位於中環嘅舊警署,俗稱「大館」已重新修葺為供遊人參觀嘅文物景點。

香港警隊嘅演變,一瞬間有如都投影喺「大館」嘅白色大石牆上,令人感慨。

所有博客及專欄文章只代表作者本人意見,並不代表本報立場。
請支持我們持續發展,透過PayPal或其他方法贊助我們!
金額:
分類:|發表於2019年8月17日 下午9:00

發表評論

讀取中…
【移交逃犯修例】警察太太嘆警員工作似變「政治打手」 轟林鄭「最禍及妻兒」